Izayii 51:12 - LAWA A BOO SONBORE

¹² Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

LAWA A BOO SONBORE 2011

¹² Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:12 ပူးပေါင်းရင်းမြစ်များ

Kiin2 1:15

Dɛnaa Lawa a lon a dia dí-a wole tɔ́n boo da ka Yilii ni á pɛ: «Da gisĩ, n dɔ a ganaa n woo, n baran nyɛ́ɛ baa-n wa.» Bɛa biikoo li, Yilii tɔ́n yoo, á gisĩ á dɔ a ganaa á woo kii lɛ li.

Loen 118:6

Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 146:4

Ǹ fɔfoaã á re nyɛɛ, ǹ tá re wusii ǹ wo tii li. Bɛa pinaa, ǹ sii mɛn tumaa koa ǹ yiri ni, bɛ tumaa na á sàabaa.

Loen 92:7

Baãnaan ba màn kɔn doɛ̃ a-n wa, yiriwɛɛnaan ba màn kɔn dɔ giala miɛ a-n wa.

Suusun 29:26

Min gigiã n giɛ goledɛnaa a laakalaa li. Sɛnɛ Dɛnaa Lawa n kiri we didie ganaa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 2:22

Ka nyan nə n foo doa minbuiin nɛ ganaa wa! Ǹ yiikoonaabaa n piɛ̃ lɛa. Là ba a ganaa wa.

Izayii 40:1

Kaa Lawa pɛ: Ka maa zaman lɛ foo doa, hiĩ ka maa zaman lɛ foo doa.

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Izayii 66:13

Náa bɛ́ a nɛnyaanan foo wɛɛ lɔn, ma dɔ n die ka dɔn foo wɛɛ miɛ̃. Bɛ n die n zɛnɛɛ Zeruzalɛmu.

Izayii 8:12

Zaman bɛ́ sii mɛn bíi sii wɔ kɔn, kasɛn nyan bɛ bíi sii wɔ kɔn wa. Ǹ bɛ́ nyɛ́ɛ biɛ màn mɛn nɛ, ka nyan nyɛ́ɛ baa bɛ-n wa. Ka nyan nyɛ́ɛ baa ǹ nɛ wa.

Zeremii 38:19

Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Zaã a sɛ́wɔ 14:18

«Ma á die ka toɛ nɛ toenən lɛa wa, ma á wusii die ka li.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Piɛrɛ1 1:24

Ká Lawa a boo bɛ́ pii lɔn: Buu n laɛ, da buũ n bɛbɛnɛ. Sonbore, minbuiin nɛn man ka buu bɛ́ lɔn.

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 17:11

Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 21:13

Bɛa boon lɛn nə́ baasi boo baa Davida gɔn, á nyɛ́ɛ gole baa Gaati kiwi a kii Akiisi ni.