Izayii 50:6 - LAWA A BOO SONBORE

⁶ Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

LAWA A BOO SONBORE 2011

⁶ Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 50:6 ပူးပေါင်းရင်းမြစ်များ

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Zɔbu 16:10

Minin manə n lɛ tii ma li banabana. Maǹ nə́ n gɔn toe ma para-n, bɛ̀ ǹ sɔ kɔ ma-a, manə n lɛ soekɔn, bɛ̀ ǹ yoo ma gialaa.

Zɔbu 30:10

Ma tìĩ bɔ ǹ nyin ni, ǹ ba n mɔrɛ ma-a doo wa. Maǹ sɛ̀ duwii tán ma yɔrɔ-a, nyɛ́ɛ din ba ǹ-a wa.

Loen 129:3

Min baraan nə́ ma duwəə ma dɔ̀ɔ̃ ganaa. Ma dɔ̀ɔ̃ yoo bələlə bələlə, ka buu-kɔsɔlin man nə́ kantia bɔ a nɛ.

Loen 69:7

Dɛnaa Lawa Pàãyiidɛnaa, min mɛnɛn foo bɛ́ doa nɛ n ganaa, n baran toa ma sìi da ǹ màn baa bɛn ganaa wa. Ma baran puusə kɔ wɔ n gamali wolen ganaa wa. Izirayeli a Lawa! Man bɛ nyankoe n la.

Loen 69:8

N din a lɛa nɛ, ma á sɔ-kɔ sii ma ganaa, n din a lɛa nɛ, ǹ tá ma puusə koe.

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 53:7

Ǹ nə́ fuu nyaa nɛ, ǹ ná a yii puusə kɔ sɛnɛ, á lɛ kɔ bɛ ganaa a lɛ n tumu, ka sère nɛ mɛn bɛ́ ǹ nə́ woe ne a dɛ ǹ bǎã nɛ, ka sère mɛn bɛ́ ǹ tá a ka kuri a lɛ n tumu.

Busii pɛ 3:30

A n para dia a dɛli la, a toa ǹ sɔ kaa la!

Misee 5:1

Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

Minin nimi 12:14

Dɛnaa Lawa tɔ́n pɛ Muizu ni: «Bɛ̀ Miriyamu lɛ a díi na á sɛ̀ kaa a yɔrɔ nɛ, bɛ̀ sìi ba goɛ̃ a ganaa a dɔ pii zii goon wa? Bɛ lɛ nɛ, ka bɔ kaa giã ǹ bǎã lɛ nɛ ka da kanaa a lɛawaa sɔbaa, bɛ kio ka tɔn nə n bɔyaa ka da a bǎã nɛ.»

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:26

Pilati nɔmaa á Barabaasi bɔ á kɔ ǹ la, á minin kaa Yezu ganaa ǹ nə́ duwəə ka sɔsɔrɔ nɛ, á tɔ́n kɔ ǹ la mà ǹ dere gɔn-lakerekaã ganaa.

Matiə 27:30

Ǹ nə́ sɛ̀ kaa a ganaa, ǹ nə́ bàbàla lɛ saa bɛ̀ ǹ duwəə ne a mìi ganaa.

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Marki 14:65

Ǹ kɔnɔn ná a giala kɔ ǹ nə́ sɛ̀ kaa Yezu ganaa, ǹ nə́ màn yii a yii ganaa, bɛ̀ ǹ nə n gɔn munu ǹ dɛ, ǹ nɔ̀n da la: «Min mɛn bɛ́ á n dɛ, bɛa dɛnaa pɛ wɔsɛn man kən le!» Bɛ kio, garadin nə́ Yezu kũ ǹ nə́ n gɔn tɔtɔ a para-n.

Marki 15:19

Ǹ nə́ duwəə ka bàbàlan nɛ a mìi ganaa, ǹ nə́ sɛ̀ kaa a ganaa, bɛ̀ ǹ kaa tán a giulun ka maǹ a guguru koe.

Zaã a sɛ́wɔ 18:22

Bɛa boon lɛn nə́ bɔ Yezu lɛ-n lɔn, garadi lɛ mɛn bɛ́ a genli, bɛ nə́ n gɔn tɔ a para-n, bɛ̀ á n pii ni mà a wúlu-bɔlen kiã lɛ si ǹ gɔn nə ke koɛ?

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.