Izayii 50:4 - LAWA A BOO SONBORE

⁴ Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

LAWA A BOO SONBORE 2011

⁴ Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 50:4 ပူးပေါင်းရင်းမြစ်များ

Zɔbu 4:4

ń boo da ń mɛnaa wolen goa ń nə́ ǹ kaa lon, ń boo da, ń nə́ ǹ foo taã nɛ.

Loen 119:147

Masɛ n yui bɛ̀ wasa tɔn bɔ wa, bɛ̀ man lɛ dɛ n din-a. Ma foo n doa nɛ n din a da ǹ boo kɛ-a.

Loen 143:8

Bɛ̀ lɛ̀ waa lɔn, n kɔn-narɛɛ gole kɛ nyaa ma nɛ, a giala, ma foo n doa nɛ n din ganaa. Ma doamaa bɛ́ ma zii mɛn saa, bɛ nyaa ma nɛ, a giala, ma yii nə n din la.

Loen 40:7

N lɛ kɔ *wúlu màn laanka gɔ ǹ màn ganaa wa. Ń bɛ pɛ, á kaa ma too yala-n. N lɛ kɔ wúlu màn tiɛ̃ laanka sii baraa sawaa ǹ wúlu màn ganaa wa.

Loen 45:2

Boo sonbore ma gɔ́ɔ̃ pã, man die loe loe ma kii tɔ bɔ nɛ. Toa ma lɛwɔn lɛ bɔ li, ka sɛ́wɔ-kiɛ̃li sonbore a sɛ́wɔ kiɛ̃ ǹ màn bɛ́ lɔn.

Loen 5:3

Aa maa Kii, aa maa Lawa, ma nə n lɛ dii n din bíi we, n too kɔ ma lon doɛ̃. Ma nə n din nyankoe, ma nə n lɛ dii n din bíi we.

Loen 88:13

Gɛ̀ a wɔlɔ tì gole kɛ li, min tá màn doɛ̃ n kaãbaa ǹ sii gɔ́ɔ̃ nɛ, hinlaa yiri a bɔ sii tumaa nɛ ǹ gána kɛ nɛ, min tá boe la, a n peperebaa kɛ giala ma?

Suusun 12:25

Nɔmaa n min foo ziziɛ̃. Sɛnɛ, boo sonbore n min foo basɛ̃.

Suusun 15:23

Lɛ si ǹ boo sonbore n foo kɔɔ̃n koe. Bɛ̀ boo nə n da á kɔnpɛ a biikoo ne, bɛ n sii bǐɛ̃ lɛa.

Suusun 25:11

Boo mɛn nə n da á kɔnpɛ a biikoo ne, a n ka sana màn bɛ́ lɔn ǹ nə́ wɔrɔ kaa la nyaǹ lɛa.

Izayii 28:19

A n die kiɛ̃ baayɛlɛ baayɛlɛ, penleen ka tèlò. A kiɛ̃ gogoonmaa yii, a n die ka bii. Bɛ̀ minin ná a boo giala ma, nyɛ́ɛ gole á re ǹ dii.

Izayii 28:9

Bɛa màn-milin lɛn man nɔ̀n diɛ: Izayii n zoɛ̃ li a daraa kɔ die la? A na a boo giala pii die ne? Nɛnyaanan mɛnɛn bɛ́ ǹ nə́ ǹ lɛ na nyɔ ganaa sisia? Nɛnyaan tiɛɛ̃nɛn mɛnɛn bɛ́ ǹ nə́ ǹ lɛ bɔ nyɔ ganaa sisia?

Izayii 35:5

Ka bɛ-n kəni, yii tere-an yii á re wɔlɔ yii foaã nɛ, too tere-an too á re boo miɛ.

Izayii 40:29

A n wusii a pàã kɔ pàãwɛɛnaa la. Min mɛn bɛ́ á nɔmaa, a n bɛa dɛnaa foo taɛ̃.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 8:16

Lɛ dia kɛ koa n gɔ̀ɔ̃ nɛ, maa kialandɛnan daraa maa doroo ǹ boon kɛn ganaa sɔnbɔraa nɛ.

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Ezekieli 46:13

Lɛ̀ goon sère nɛ mɛn bɛ́ wɔ̀lɔ̀ ná a ba a ganaa wa, ǹ die ǹ bɛ kɔ Dɛnaa Lawa la, wúlu màn tiɛ̃ lɛa baraabaraa. Bɛa wúlu lɛ nə n boe baayɛlɛ baayɛlɛ.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 13:54

A bɛ́ á gole kɔ kiwi mɛn nɛ, á woo walan. A ná a giala kɔ á minin darɛɛ bɛn lɛsɔkɔn kion. Min mɛnɛn bɛ́ walan, bɛn nə́ n kaãbaa parsiini. Maǹ nə́ goã pii: «He! Asɛ n boe ka bɛa yiridɛnaabaa kɛ-n maa? A n bɛa kaãbaa ǹ siin kɛn zɛnɛɛ lɔn?

Matiə 22:46

Min kɔ́n na a lɛ si ka boo kɔ́n nɛ wa. A kũ bɛ lɛ ganaa lɔn, min kɔ́n yii wɔ doo á nɔ̀n da la wa.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Luku 4:22

Min din tumaa na á goã Yezu laakalɛɛ. Bɛa Lawa a bǐɛ̃baa ǹ boo kɛ kaãbaa da min tumaa ganaa. Sɛnɛ, bɛa boo kɛ a bɔ asɛ lɛ-n kɛ lɛ na á ǹ tɔwaa. Maǹ nə́ goã pii kɔn nɛ mà Zozɛfu a nɛ kɛ lɛ bie wa?

Zaã a sɛ́wɔ 7:46

Garadin lɛn nə́ tɔ́n pɛ mà min kɔ́n din bin boo da ka giĩ kɛ bɛ lɔn wa!

Timəə dí-pɛn 18:17

Dɛnaa Lawa tɔ́n pɛ ma-n kɛnɛn: «Ka màn mɛn pɛ, á siĩni.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.