Izayii 50:2 - LAWA A BOO SONBORE

² Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

LAWA A BOO SONBORE 2011

² Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 50:2 ပူးပေါင်းရင်းမြစ်များ

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

KZS2 32:15

Á bǐɛ̃ kɔ, kanna kəni, ka nyan toa Ezekiasi ka sã a soɛ bɔ ka nɛ ka bɛa yɔrɔ kɛ-n wa. Ka baran n foo doa a ganaa wa. Hayii! Lawa kɔn tɔn yɛ, gána kɔn-a lawa lɛa, á boo la a ná a zaman kirisibaa ma digolon pàã ganaa ka masɛ wɔ-n ma. A bɛ́ miɛ̃, ka dɔn lawan lɛn ba re boe la ǹ ka kirisibaa wa!»

Loen 106:9

Á paraa Sawɛɛ tà lɛ li, á laa. Á toa ǹ nə́ tɔ wɔ nyankɔrɔ zuzulun ni, ka n pɛ mà don gɔ́ɔ̃ nɛ.

Loen 107:33

Dɛnaa Lawa á boe la a tà bɔyaa, a baa bǎã gere lɛa, mu yalan bɛ́ bǎã mɛn nɛ, á boe la a mu wɛɛ̃ kɔ walan.

Bɔ bɛ̀rɛbaa nɛ 14:21

Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 14:29

Sɛnɛ, Izirayeli nɛnyaanan man nə́ tɔ wɔ tà gɔ́ɔ̃ gere bii, mu lɛ n soe-n kɔn ka kungɔn bɛ́ lɔn ǹ paǹan paanan li.

Bɔ bɛ̀rɛbaa nɛ 7:18

Tà mu lɛ a zɔ̀ á re giɛ̃, mu lɛ dinmaa gìĩ á re boe, Ezipti gána minin ba re boe la ǹ mi wa.»

Bɔ bɛ̀rɛbaa nɛ 7:21

Tà mu lɛ a zɔ̀ gã, mu lɛ dinmaa gìĩ bɔ, Ezipti gána minin lɛn ba boe la ǹ tá mii wa. Mà goã Ezipti gána lɛ paǹ tumaa ganaa.

Suusun 1:24

Man ka bíi we, ka lɛ n boe haayii diɛ. Ma nə n gɔn diɛ ka la, min kɔn ba diɛ sii li wa.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 19:5

Yìsi mu á re damɛ Niili tà mu á re piɛ̃, a gɔ́ɔ̃ laa.

Izayii 23:11

Dɛnaa Lawa na á n gɔn waa yìsi mu ni, á bìn da gánan ganaa, Kanaan kiwin mɛnɛn bɛ́ tamaa nɛ, á zii kɔ mà ǹ bɛn ziziɛ̃.

Izayii 36:20

Dìn lɛn tumaa bii, n kɔn yɛ á ma kurəə a gána kuĩ ganaa wa. Dɛnaa Lawa n die siɛ lɔn kəni, a boo la a ma kurəə Zeruzalɛmu kuĩ ganaa?»

Izayii 41:28

Má ga tɛrɛɛ nɛ, ma min kɔn yɛ wa. Ǹ bii, ǹ kɔn banban a na a taasiɛn nyaa wa. Min banban, nɔ̀n nə́ boe la a n da la wa. Min kɔn banban a boo binyəə kɔ ma la wa.

Izayii 42:15

Man die kelen laanka tentenən wurii. Màn mɛn tumaa bɛ́ boe la, ma bɛ laa. Man die tàn bɔyɛɛ ma baa bǎã gere lɛa. Ma pɛrɛ dadaran mu piɛ̃ ka daɛ̃.

Izayii 43:16

Dɛnaa Lawa n kɛ pii asɛ mɛn bɛ́ á zii bɔ yìsi mu la, á zii bɔ á mu pàã gole kɛ wɔsɔ kɔn nɛ.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Izayii 51:10

N din bie ń goã ń yìsi mu gole kɛa mu piɛ̃ wa? N din nə n zii bɔ yìsi mu giala-n, màn mɛn bɛ́ toɛ, n min mɛnɛn si n nə́ ǹ kaa, bɛn nə boo la ǹ kiɛ̃.

Izayii 54:6

N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

Izayii 59:1

Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Izayii 63:13

A din na á toa ǹ nə́ yìsi mu zuzulu kuru, ka sùi bɛ́ diə kuri lɔn, ǹ nə́ ǹ mɛnaa wa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:27

Nsɛ Zeremii, n die n bɛ tumaa pɛ ǹ nɛ. Sɛnɛ, ǹ ba re n too koe n lon wa. N tá re ǹ bíi, sɛnɛ ǹ ba re n nyii wa.

Zeremii 8:6

Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Abakuku 3:8

Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Marki 4:39

Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

Zaã a sɛ́wɔ 1:11

Á daa a din a gána nɛ, sɛnɛ a din tɔrɔn nə́ ǹ piã nɛ.

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.