Izayii 50:10 - LAWA A BOO SONBORE

¹⁰ Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

LAWA A BOO SONBORE 2011

¹⁰ Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 50:10 ပူးပေါင်းရင်းမြစ်များ

Samayeli2 22:29

Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Zɔbu 29:3

A din a bolon kɛ bɛ á goã ma mìi la, má goã tɔ we bɛ lɛ a fúlu li tèlò-n.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 128:1

Wo Zeruzalɛmu loe. Min mɛnɛn tumaa bɛ́ nyɛ́ɛ biɛ Dɛnaa Lawa nɛ, ǹ nə́ koe a zii lɛ, Lawa á re barka diɛ bɛn ganaa.

Loen 145:21

Ma lɛ á re Dɛnaa Lawa tɔ boe. Màn tumaa die a barka da Dɛnaa Lawa sonbore kɛ nɛ, biikoo tumaa li yǎa duduu!

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 25:12

Bɛ̀ min mɛn tá nyɛ́ɛ biɛ Dɛnaa Lawa nɛ, Dɛnaa Lawa n zii nyɛɛ bɛ nɛ, a kɔ lɛ.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 26:9

Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 59:9

Bɛ lɛ nɛ, sonborebaa wɔlɔ á lui-n wɔ ganaa, peperebaa a doe wɔ li wa. Wɔ nə n yii diɛ wɔlɔ fúlu la, sɛnɛ, wɔ n wɔlɔ tì li. Wɔ nə n yii die lɛ̀ a waa la, sɛnɛ, wɔ ǹ tɔ we wɔlɔ tì li.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Busii pɛ 3:2

Á ma nɔɔ á ma da a nyɛɛnɛ. Á ma da tɔ wɔ ganaa wɔlɔ tì li. Wɔlɔ fúlu boo bie wa.

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 5:7

Ka kaa gɔ́ɔ̃-bii ǹ siin dinin tumaa doa Lawa ganaa, a giala, a din nə giɛ ka walan.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.