Izayii 50:1 - LAWA A BOO SONBORE

¹ Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

LAWA A BOO SONBORE 2011

¹ Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 50:1 ပူးပေါင်းရင်းမြစ်များ

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin2 17:17

Ǹ nə́ ǹ nɛgiĩn laanka ǹ nɛlɔn tã wúlu mànan lɛa, ǹ nə́ wɔ kũ, ǹ nə́ boobaa ǹ dí nya. Ǹ nə́ ǹ dinin kɔ dí baraa nya la, Dɛnaa Lawa yɔrɔ-a, yǎa ǹ nə́ Dɛnaa Lawa foo yoo.

Kiin2 4:1

Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

Nehemii 5:5

A da yaa, wɔ dɔɔ̃nɔn lɛn gɔ̀nɔn siĩ bɛ́ lɔn, wɔsɛn dɔn wɔ lɛ n miɛ̃, wɔa nɛgiĩn laanka n nɛgiĩn man goon, sɛnɛ á ke wɔsɛn doamaa nɛ wɔa nɛgiĩn laanka ǹ nɛlɔn kaa bɛ̀rɛbaa nɛ. Wɔa nɛlɔn lɛn gigiã din tá a lɛa gɔrɔ. Wɔa boe sii kɔn la wɔ á zɛnɛɛ wa, wɔa wurun laanka wɔa rezɛ̃ dan man min kɔsɔn gɔn.»

Loen 44:12

N din nə́ ń wɔ kɔ, ka tɔɔn bɛ́ lɔn, ǹ nə́ woe ǹ dii. Ń wɔ loo, ń wɔ pɛsɛ̃ bǎã tumaa nɛ, tɔrɔn bii.

Bɔ bɛ̀rɛbaa nɛ 21:7

«Bɛ̀ min dɔ ná a nɛlɔ sã bɛ̀rɛ lɛa, bɛa nɛlɔ lɛ a boe la, a soo ka bɛ̀rɛ gialakunun bɛ́ zɛnɛɛ lɔn wa.

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 27:8

A na á dɔlɔ bɔ ǹ ganaa, á ǹ loo, bɛ̀ á kiri we ǹ ganaa. A lɛ gɔ́ɔ̃ ǹ piɛ̃ nə́ ǹ pɛsɛ̃, piɛ̃ kɛa daa pinaa boe lɛ̀giala-n.

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Izayii 46:8

Ka n yiri kɔ bɛ li, ka n foo taã. Ka n bɔyaa ka daa, bɔlɔpaa-pɛlin lɛn.

Izayii 52:3

Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Izayii 54:6

N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Zeremii 4:18

Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

Ozee 4:5

N tá re talɛɛ penleen tiɛɛ̃nɛ, n bɛ́ kun ka Lawa a boo gii-dali mɛn nɛ, bɛ dɔ din tá re talɛɛ a mɛnaa tèlò-n. Ma á re n dan Izirayeli nyin nyɛɛ lenlen.

Lawa a wúlu-bɔlen 25:39

Bɛ̀ n mɛn a giɔ̀mɔ tá n miã ganaa, bɛ̀ a boe la á sarɛɛ wa yǎa a n din sã n la, n nyan toa n da bɛ̀rɛbaa ǹ dí ganaa wa.

Matiə 18:25

Wɔrɔ bɛ́ a ba a gɔn a tá bɛa giɔ̀mɔ lɛ sarɛɛ-n wa, a mìinaa tɔ́n pɛ mà ǹ kũ ǹ sã ka bɛ̀rɛ bɛ́ lɔn, ǹ na a lɔ dɔ laanka a nɛnyaanan sã, ka a gɔn màn tumaa nɛ, giɔ̀mɔ lɛ nə n saraa nɛ.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?