Izayii 5:8 - LAWA A BOO SONBORE

⁸ Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

LAWA A BOO SONBORE 2011

⁸ Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Izayii 5:8 ပူးပေါင်းရင်းမြစ်များ

Zɔbu 15:28

Sɛnɛ, á re giɛ̃ kiwi soo ne, kion mɛn nə́ ke min ná a ba a-n wa, giɛ mà a kaa, á re giɛ̃ bɛ nɛ.

Zɔbu 20:21

A kuruubaa lɛ taman yii, màn kɔn goã liɛ la wa. Sɛnɛ, a yii-nyɛɛ lɛ a re beleboe wa.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Ezekieli 11:15

– Nsɛ minbuiin a nɛ, n dɔɔ̃nɔn lɛn tumaa, n dikion minin ni, Izirayeli tɔrɔn lɛn kuturu, Zeruzalɛmu minin lɛn man pii ka nɛ: «Ka n wɔlɔ lui Dɛnaa Lawa ganaa, a giala, gána kɛ lɛ na á n kɔ wɔsɛn dinin la.

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Abakuku 2:6

Sɛnɛ, ǹ tɔrɔn mɛnɛn tumaa kũ, bɛn tá re yui ǹ gialaa ka suusun ni, ka boo baraan nɛ. Maǹ pii: Kaa wɔ n ka koe ne, kasɛn mɛnɛn bɛ́ gɔn mànan soekɔn, ǹ nə ǹ ba kaa wɔ lɛa wa. Kaa giɔ̀mɔ kɛ n goɛ̃ gole yǎa biĩ kəni?

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [