Izayii 5:7 - LAWA A BOO SONBORE

⁷ Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

LAWA A BOO SONBORE 2011

⁷ Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 5:7 ပူးပေါင်းရင်းမြစ်များ

Siin Giala 4:10

Lawa tɔ́n pɛ nɛ: «Wàa mɛn sii n ke ń zɛnaa? N diɛ̃ lɛ mà tá n toɛ tán, n lɛ dii ma ganaa, mà ma asɛ a gɛ̀ dòo bɔ.

Samayeli2 7:10

Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

Zɔbu 34:28

Maǹ nə́ zɛnaa miɛ̃, yǎa doobaa nə́ n lɛ dɛ Lawa ganaa. Lawa dɔ bɛ́ nɔmaa-wɔle a lɛ-dɛ miɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 80:15

Lawa Pàãyiidɛnaa, wusoo n daa kəni, sii mɛn bɛ́ n zɛnɛɛ, n toa lon, n ga n bɛ yɛ. N din sii kɔn zɛnaa, n da nɛ-kɔle kɛa lɛa.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Suusun 21:13

Min mɛn bɛ́ n too tiɛ̃ pàãwɛɛnaa a lɛ dɛ ganaa, a dɔ á re gu diɛ, min ná a ba n nyiĩ la wa.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Loe kɔɔ̃n kɔɔ̃n 7:6

N mìi tá a giala la lon, ka Karmɛli kele bɛ́ lɔn. N mìi ka ke, bɛ n pɔsiaã nɛ, tì nɔnɔɔ. A siĩnbaa kii yiri si la.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 1:6

A saa n gòã tìsì ganaa a wo n baã bii yaa, bɛ tumaa n sɔsɔlɛɛ nɛ, n paǹ tumaa n busulɛ lɛa, bayɛrɛ nɛ, ka mandɛ lɛ nɛ. Min kɔn nə ǹ lɛ pii wa, min kɔn nyɔɔ lɔ ǹ ganaa wa, min kɔn màn yii ǹ ganaa wa.

Izayii 27:2

Bɛa pinaa, ka loe lɔ duvɛ̃ kɔɔ̃n *rezɛ̃ da wuru kɛ wɔ lɛa.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 3:17

Kanna kəni, Dɛnaa á re kɔǹgɛ boe ǹ mìi-a, ǹ goã baã gere-an lɛa.

Izayii 30:12

Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 5:2

Á wuru lɛ kɔsɔ. Kɔlɔn mɛnɛn bɛ́ a nɛ, á bɛn waa, á da tɔrɔ sonboren zumu a nɛ. Á sanabolo dɔ a nɛ, bǎã-lɛduəlin wɔ lɛa, á rezɛ̃ mu bɔ ǹ bǎã fɔ̃. A na á goã n yii diɛ rezɛ̃ nɛ sonbore la. Sɛnɛ, *rezɛ̃ da lɛ nɛ mɛn kɔ, nɛ pipiã nɛ.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 24:2

Káka goon a gɔ́rɔ nɛ n siĩn sɔnbɔraanɛ ka gɔ́rɔ nɛ lɛ bibinaa bɛ́ lɔn. Goon kɛ a gɔ́rɔ nɛ ziziɛ̃maa nɛ. Á ziziɛ̃ á la yii ni, min na a boe la a bii dinin wa.

Zeremii 50:46

Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Abakuku 1:3

Wàa na á baa n tá toɛ ma yii á sii baraa yii? Wàa na á baa n yii á wɔa fuu ganaa, n nə́ n ba sii zɛnɛɛ dɔn wa? Bǎã tumaa nɛ, minin man kokoo we, ǹ nə́ kakaarɛbaa zɛnɛɛ. Kiri laanka zia n bǎã tumaa nɛ.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.