Izayii 5:30 - LAWA A BOO SONBORE

³⁰ A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

LAWA A BOO SONBORE 2011

³⁰ A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

Izayii 5:30 ပူးပေါင်းရင်းမြစ်များ

Boo-laakalaali 12:2

Bɛa biikoo li, n tá re goɛ̃ wɔlɔ tì li, ka wasa a fólon na á nimi, ka mui laanka leeren man nə́ kũ, ǹ nə́ tii, ka la n bara goɛ la a kaa kio.

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 13:4

Ka n too kɔ màn wuu kɛ li boe kelen la: A n ka zaman gole gòã wuu ni. Ka n too kɔ tɔrɔn kɛn lɛ dɛ li, tɔrɔn sɔkɔn ke. Sɔraasin mɛnɛn bɛ́ re woe zia biɛ, Dɛnaa Lawa Pàãyiidɛnaa n giɛ bɛn ganaa.

Izayii 17:12

Wàa koe n ka kɛ nɛ! Tɔrɔ damata gòã wuu á ke boe die. Ǹ gòã wuu n ka yìsi mu gole a ginii bɛ́ lɔn. Maǹ gini ka pàã nɛ ka yìsi mu gole bɛ́ gini lɔn.

Izayii 30:6

Negɛvu gána a boo gii: Koe gána nɛ, a foo ziziɛ̃ n gɔ̀nɔn bìn diɛ. Yàra san nɛ ka yàra daanan nɛ, kɔrɔkanan nɛ ka tɔɔ babaraa piɛ̃ wolen giã ǹ bǎã nɛ. Kaa dia dí-a wolen manə ǹ naforon goɛ dudunun la, ǹ nə́ ǹ gɔn mànan kiɛ nyɔɔmaan dɔ́ɔ̃ nɛ. Bǐɛ̃baa ǹ mànan manɛ ǹ tá woe koe Ezipti minin la, a da yaa ǹ ba re boe sii kɔn dɔ la ǹ zɛnaa ǹ nɛ wa.

Izayii 59:9

Bɛ lɛ nɛ, sonborebaa wɔlɔ á lui-n wɔ ganaa, peperebaa a doe wɔ li wa. Wɔ nə n yii diɛ wɔlɔ fúlu la, sɛnɛ, wɔ n wɔlɔ tì li. Wɔ nə n yii die lɛ̀ a waa la, sɛnɛ, wɔ ǹ tɔ we wɔlɔ tì li.

Izayii 8:22

bɛ kio, ǹ tá re n yɔrɔ diɛ tán: Sɛnɛ á ke, maǹ die koe dinsɔɔ̃ yii, wɔlɔ tì biribiri ni, nyɛ́ɛ gole ne ka tèlò tì biribiri ni, ǹ bɛ́ re ǹ noɛ̃ ǹ nə ǹ zũ bǎã mɛn nɛ.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 30:5

«Dɛnaa Lawa n kɛ pii: Wɔ́ nyɛ́ɛ baa ǹ lɛ-dɛ ma, nyɛ́ɛ gole ne, bǐɛ̃ bie wa.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 6:23

Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

Busii pɛ 3:2

Á ma nɔɔ á ma da a nyɛɛnɛ. Á ma da tɔ wɔ ganaa wɔlɔ tì li. Wɔlɔ fúlu boo bie wa.

Ezekieli 26:3

Bɛ lɛ na á toa, masɛ Dɛnaa Lawa á kɛ pii: Nsɛ Tiiri kiwi lɛ, ma á die n gialaa. Man die tɔrɔ kɔsɔn yiɛ gigiã, ma ǹ kaa n ganaa, ka mu tii bɛ́ lɔn.

Zowɛli 2:10

Tán nə bìn diɛ ǹ nyɛɛnɛ, lon nə ka a n die niɛ̃ a mɛnaa, wasa laanka mui ba folon kiɛ doo wa, leeren ba tɛ-pii doo wa.

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 8:9

Dɛnaa Lawa wusoo á pɛ kɛnɛn: Bɛa pinaa kɛ lɛ nɛ, ma á re wasa diɛ yii-sã ganaa penleen tiɛɛ̃n nɛ. Ma á re wɔlɔ tii tán la wasa yii ni.

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Sii-nyaan 6:12

Má yɛ, a bɛ́ á sɛ́wɔ lɛ tã ǹ bǎã lɛ a sɔrɔbaa ǹ wɔ bũ, tán bìn da gole gole. Wasa nə́ n bɔyaa á tì kɔ ka mɔnaa tì bɛ́ lɔn, mui tumumaa tã kɔ ka mà bɛ́ lɔn.