Izayii 5:29 - LAWA A BOO SONBORE

²⁹ Yàran bɛ́ wɔɔsaa we lɔn ǹ sɔraasin man wɔɔsaa we miɛ̃. Maǹ lɛ biɛ ka yàra nɛn bɛ́ lɔn. Maǹ gini ka don màn nə́ ke, á màn kũ lɔn, á woe ne, min kɔn ná a doe-n dɔn a si la wa.

LAWA A BOO SONBORE 2011

²⁹ Yàran bɛ́ wɔɔsaa we lɔn ǹ sɔraasin man wɔɔsaa we miɛ̃. Maǹ lɛ biɛ ka yàra nɛn bɛ́ lɔn. Maǹ gini ka don màn nə́ ke, á màn kũ lɔn, á woe ne, min kɔn ná a doe-n dɔn a si la wa.

Izayii 5:29 ပူးပေါင်းရင်းမြစ်များ

Siin Giala 49:9

Zudaa n kaka ka yàra ten bɛ́ lɔn. Maa nɛgiĩ n boe a siĩ kũ ǹ bǎã nɛ, die a waa ǹ bǎã ganaa. Á n musi yiɛ, á waa tán ka yàra sà bɛ́ lɔn. Kakaarɛ ka yàra nɛ ǹ dan bɛ́ lɔn, die n boe la a pɛ, mà a yoo?

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 31:4

Dɛnaa Lawa boo mɛn da ma nɛ, á ke: Bɛ̀ yàra hinlaa yàra nɛ á wɔɔsaa we siĩ la, haalɛ ta ǹ nə́ tɔɔ-lɛduə̃li gigiã bii ǹ nə́ ǹ kaa a ganaa, a nyɛ́ɛbiɛ ǹ gigiãbaa-n wa, ǹ bɛ́ lɛ-dɛ mɛn we, bɛa nyɛ́ɛ diɛ a ganaa wa. A din yɔrɔ goon la masɛ Dɛnaa Lawa Pàãyiidɛnaa á re gisĩ *Siɔn kele la, ma ziabaa ǹ ganaa.

Izayii 35:9

Yàra laanka don siĩn ba re yii walan wa. Ǹ kɔn ba re die walan wa. Dɛnaa Lawa bɛ́ re min mɛnɛn sii a ǹ kaa, bɛn dininsɔɔ̃nɔn man die zii kɛ siɛ.

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Izayii 47:15

N nə́ n din nɔmaa ka gɔn nɔɔ nɛ bɛa minin lɛn li, a kũ n tenmaa waáraa ganaa. Ǹ bɛ́ màn mɛn lɛa n gɔn kanna kəni, bɛ n ke: Kanna, maǹ woe paǹ tumaa li, ǹ kɔn ba boe la a n kirisibaa wa.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 51:38

Sisia, a zaman tumaa n ka yàran bɛ́ lɔn lɛ biɛ. Maǹ lɛ biɛ ka gòon màn bɛ́ lɔn.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Nahumu 2:11

Ǹ ná a tumaa koã, ǹ nə́ yu, ǹ nə́ yɔyɔrɛ. Minin foo ziziɛ̃, ǹ gòãn nə́ gã, ǹ gɔ̀nɔn nə bìn diɛ, ǹ yɔrɔ ziziɛ̃.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Zakarii 11:3

Ka n too kɔ tɔrɔn tɔɔn-lɛduə̃lin kɛn lon gini. A giala, ǹ pàã nya. Ka n too kɔ yàra nɛ tenən lɛ-baa li. A giala, Zurdɛ̃ tà lɛ a bǎã sonbore lɛ ziziɛ̃.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.