Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 5:25 - LAWA A BOO SONBORE

25 Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

အခန်းကိုကြည့်ပါ။ ကော်ပီ

LAWA A BOO SONBORE 2011

25 Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

အခန်းကိုကြည့်ပါ။ ကော်ပီ




Izayii 5:25
60 ပူးပေါင်းရင်းမြစ်များ  

Zeroboamu a kion minin mɛnɛn yii bɛ́ re giɛ̃ kiwi, ginin tá re bɛn soɛ̃, a kion minin mɛnɛn yii bɛ́ re giɛ̃ don, bàanan tá re ǹ gere mui, a giala Dɛnaa Lawa na á boo da.»


A kion minin mɛnɛn tumaa bɛ́ re giɛ̃ kiwi, ginin tá re bɛn gere soɛ̃. A kion minin mɛnɛn tumaa bɛ́ re giɛ̃ don, bàanan tá re bɛn gere mui.»


Akaabu a kion minin mɛnɛn yii bɛ́ re giɛ̃ kiwi, ginin tá re ǹ gere soɛ̃. A kion minin mɛnɛn yii bɛ́ re giɛ̃ don, bàanan tá re ǹ gere mui.»


Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.


Zezabɛli gere tá re n biɛ ka tɔɔn bù bɛ́ lɔn wuru fúlu bii, Zizereyɛli tán la, yǎa min ba re boe la a pɛ mà Zezabɛli gere n ke wa.»


Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.


Bɛ̀ Lawa foo yoo, yǎa a sii zɛnɛɛ. Mu li ǹ màn baraa tumaa nə n gùrù naɛ nɛ.


Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.


Tán bìn da Dɛnaa Lawa yɔrɔ-a, Zakɔba a Lawa lɛ yɔrɔ-a.


Maa fuu lɛ gɔ́ɔ̃ nɛ, má lɛ dia Dɛnaa Lawa la, má n lɛ dɛ maa Lawa lɛ ganaa. Á n toa a bǎã sonbore kɛ nɛ, á ma lɛ ma. Ma lɛ-dɛ mɛn wɔ, á kaa a too ne.


Lawa, n bɛ́ ń soo n zaman lɛ nyɛɛnɛ, n bɛ́ ń tɔ wɔ don gɔ́ɔ̃ nɛ, *Doa


Labaran nə́ ǹ mu kaa tán la, la a giniin nə́ bɔ ǹ bii, la a tɛ-pɛn nə́ bɔ, ǹ nə́ woo paǹ tumaa ganaa.


Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.


Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.


Dɛnaa pɛ Muizu ni: «A pɛ Aarɔn nɛ, mà a bàlà lɛ saa, a n gɔn saa lon a dia Ezipti gána a tà mu la, ka a piɛɛrɛnɛn tumaa nɛ, mu bɛ́ bǎã mɛn tumaa nɛ, ǹ tumaa mà baa. Mà goã Ezipti gána lɛ a bǎã tumaa nɛ, á goã a mànan tumaa gɔ́ɔ̃ nɛ, gɔn wɔn nɛ ka kɔlɔ wɔn nɛ.»


Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.


Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.


Sɛnɛ, nsɛ, ǹ nə́ n zũ tán kànaa, sɔsɔɔ n yala ganaa, ka nɛnyaan mɛn nə́ ke á yɛ gere lɛa, nyɛ́ɛ diɛ, ka gere mɛn nə́ ke, ǹ nə́ yɔyɔrɛ. Ǹ min mɛnɛn fɔ̃ ka gɔya nɛ, ǹ nə́ ǹ geren kaa kɔlɔn lalan yala gole kɛ nɛ, bɛn man koe ne n gere lɛ.


Dɛnaa Lawa na á n gɔn waa yìsi mu ni, á bìn da gánan ganaa, Kanaan kiwin mɛnɛn bɛ́ tamaa nɛ, á zii kɔ mà ǹ bɛn ziziɛ̃.


Moabu n bìn diɛ a nyàan ganaa ka mu-baali bɛ́ mu biɛ lɔn. Sɛnɛ, a laan bɛ yii ni, Dɛnaa Lawa ná a din koa kɛ gisĩ.


Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.


Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.


N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.


Lawa kɔsɔ a boe la a sii zɛnaa ka n bɛ́ lɔn a golemali-wɔlen man wa! Min kɔn bin bɛ ma wa, min kɔn bin bɛ dɔ̃ wa min kɔn bin bɛ yɛ wa.


Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.


Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.


Siirii minin manə ǹ nyɛɛnɛ, Filisiti minin manə ǹ kio. Ǹ nə́ Izirayeli gána ziziɛ̃ lenlen. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.


Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.


Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.


Manaasee tɔrɔn man yui Efrayimu tɔrɔn gialaa, Efrayimu tɔrɔn man yui Manaasee tɔrɔn gialaa. Ǹsɛn tɔrɔ màn paa kɛ sɛ n piɛ̃ Zudaa tɔrɔn ganaa. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.


Dɛnaa Lawa a da ǹ boo á ke: «Man die yui ǹ gialaa ka yɔrɔ sii ni: Gɔya sà gɛ̀ nɛ, ginin tá re ǹ giɛrɛɛ ǹ wo ǹ ne sɔsɔɔ, zèwon tá re ǹ mui tolokan nə ǹ sɔ̃ ǹ nə ǹ bɔ tán.


Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»


Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.


Man giɛ kelen ganaa: maǹ bìn diɛ. Tenten tumaa n bìn diɛ.


Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.


Ǹ kionən tá re min kɔsɔn wɔ biɛ, kɔnlɛ ka ǹ wurun ni ka ǹ lɔn nɛ. Ma á re n gɔn siɛ gána kɛa minin li. Dɛnaa Lawa a da ǹ boo ne.


Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.


Dɛnaa Lawa bɛ́ boo mɛn diɛ, á ke: Sii-dɔ̃li doamaa bie a n din kalaa wa. Min kaka doamaa bie a na a din a kakabaa kalaa wa. Pàãmaa doamaa bie a na a din a pàãmabaa kalaa wa.


Ma nə n wɔ daa lenlen ya? N foo na á yoo wɔ li á la yii ni?


Bɛ lɛ na á toa masɛ Dɛnaa Lawa á kɛ pii: Man rezɛ̃ da a gɔn tiɛ̃. Bɛ n soɛ ma gɔn á la daã gòã li ǹ dan kɛn gɔn nɛ. Man die Zeruzalɛmu minin dɔn tiɛ̃.


Ma á re pàã koe Baabiloniin kii kɛ la. Sɛnɛ, Faarahɔn pàã á re nyɛɛ. Bɛ̀ má maa gɔya sa wɔ Baabiloniin kii kɛ gɔn ǹ mɛn waáraa, á re pepere Ezipti gána kɛ li. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.


Man die yui ǹ gialaa, ta maǹ giã-n bǎã mɛn nɛ gána lɛ nɛ, ma á re ǹ tumaa lui, a saa diə gole kɛ ganaa, a wo Dibla kiwi yaa. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.


Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.


Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.


Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.


Kelen man bìn diɛ a nyɛɛnɛ tentenen man yoe. A daa biikoo li, tán nə bìn diɛ ka kanaa laanka a minbuiin tumaa nɛ.


Kelen yii tá n ganaa. Maǹ bìn diɛ nyɛ́ɛ gɔn. Mu n kiɛ tán ka we ne, Yìsi mu gole n gini a ná a mu zuĩ lon.


Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.


Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»


Bɛa pinaa kɛ lɛ-n sɛn, ma á re n yɔrɔ bɔyɛɛ ma bɔ ǹ la duduu, ǹ sii baraan kɛn lɛn tumaa a lɛa, ǹ nə́ die zɛnɛɛ. A giala, maǹ die lawa kɔsɔn guguru koe.


Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.


Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ