Izayii 5:24 - LAWA A BOO SONBORE

²⁴ Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

LAWA A BOO SONBORE 2011

²⁴ Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Izayii 5:24 ပူးပေါင်းရင်းမြစ်များ

Kiin2 19:22

Ma n nə́ n sɔ kɔ die-a, ń wɔ a lon baraa? Ma n nə́ n lɛn saa lon die li, ń ga a ganaa ka din koa nɛ? Izirayeli a Lawa sonbore kɛ nɛ.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Zɔbu 18:16

A gòonən tá re laɛ tán, ǹ na a gùrùn kuru lon.

Zɔbu 8:17

Ta a n kɔlɔ bǎã nɛ, a nə n gòãn we tán kaka, a gòonən nə dɔ yǎa para ganaa.

Loen 50:17

N bɛ́ ń maa doroo tii, ń nə́ n piã ka maa boo ne.

Bɔ bɛ̀rɛbaa nɛ 15:7

N golebaa lɛ á kaãbaa diɛ, bɛ lɛ nə n zɔ́ɔn dii. Bɛ̀ n foo yoo, a n goon ka tɛ nɛ, a nə n zɔ́ɔn kuĩ ka buu bɛ́ lɔn.

Bɔ bɛ̀rɛbaa nɛ 5:12

Zaman lɛ nə́ n pɛsɛ̃ Ezipti gána paǹ tumaa ganaa, ǹ nə́ ǹ tii ma ǹ buu lɛ goɛ.

Izayii 1:31

Min kaka n die goɛ̃ ka buu gere bɛ́ lɔn, a zɛnaa ǹ sii n die goɛ̃ ka tɛ nàn bɛ́ lɔn, ǹ tumaa n die kuĩ kun, min kɔn ba re boe la a nimi wa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 24:6

Bɛ lɛ taman yii, Dɛnaa Lawa lɛn baraa bíi tán li. Bɛ lɛ a dɔlɔ n ke minbuiin nɛn mìi ni. Bɛ lɛ nɛ kanaa minin nə́ papaã, ǹ nə́ kiɛɛrɛ kɔ.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 30:12

Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 47:14

Á ke, maǹ die goɛ̃ ka buu gere bɛ́ lɔn, tɛ n die kuĩ. Ǹ ba re kanbiɛ tɛ ganaa wa. Nyɔɔ tɛ bie gɔ̀nɔn wɔ̃ ǹ wɔ lɛa wa, tɛn gɔn lɛ bie bɛ̀ ǹ giã tán a yɔrɔ-a wa!

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Izayii 8:6

Silowee mu ke baa sii sɛlɛlɛ, Zudaa zaman nə́ n piã ka bɛ nɛ, a giala, ǹ foo n kɔɔ̃nɛ kii màn paa kɛ taman yii: Resini laanka Pekaa.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Ezekieli 15:6

Bɛ lɛ na á toa masɛ Dɛnaa Lawa á kɛ pii: Man rezɛ̃ da a gɔn tiɛ̃. Bɛ n soɛ ma gɔn á la daã gòã li ǹ dan kɛn gɔn nɛ. Man die Zeruzalɛmu minin dɔn tiɛ̃.

Ozee 11:9

Boo giala nyɔmiɛ̃ ba re goɛ̃ maa foo-yoo-n wa, ma a re wusii ma da Efrayimu ziziɛ̃ wa. A giala ma bie minbuiin lɛa wa. Lawa n ka masɛ nɛ. Nsɛ li Efrayimu, Lawa sonbore n ka ma nɛ, ma bie die maa foo-yoo nyɛɛ wa.»

Ozee 5:12

Bɛ lɛ n ke, masɛ Lawa á die kɔǹgɛ̀ biɛ Efrayimu tɔrɔn kɛn ganaa, ma á re busulɛ biɛ Zudaa minin kɛn ganaa.

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Zowɛli 2:5

Maǹ paparɛ kelen koe kɔn, ǹ wuu n ka ziabaa ǹ fɔlɔ wotoro wuu bɛ́ lɔn, ka tɛ wuu bɛ́ lɔn buu gere kuĩ. Min kakan manɛ ǹ nə́ n yɔrɔ bɔ ǹ nə́ woe zia la.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 2:9

A da yaa, masɛ din nə má Amɔɔrɔ tɔrɔn kɛn dɛ má ǹ bɔ ǹ nyɛɛnɛ. Bɛa minin kɛn lɛn man sɔsɔrɔ ka da sasa tɔrɔ nɛ, maǹ gegere ka da kaka tɔrɔ nɛ. Sɛnɛ, má ǹ nɛ sɔlɔ má bɔ ǹ la, má ǹ gòonən woɛ̃ má ǹ bɔ tán.

Nahumu 1:10

Maǹ ka nyan da mɛn nə́ ke, we-n kɔn nɛ, ǹsɛn yɔ-mili baraan kɛn lɛn. Maǹ die kui lenlen ka buu gere bɛ́ lɔn.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 3:17

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Luku 7:30

Sɛnɛ, Lawa bɛ́ á nyin si ǹ sii mɛn yɔrɔ bɔ á dia ǹ la, *Fariziɛ̃n laanka landa sii-daraalin nə́ n piã ka bɛ nɛ. Ǹ lɛ kɔ ǹ nə́ batɛmu lɛ si ZAÃ li wa.

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Nya ǹ dín 13:41

«Ka ga a ganaa, kasɛn min piɛ̃-bɔlen lɛn. Ka n kaãbaa ka papaã! A ka yii toa koo, man die dí goon nyɛɛ, bɛ̀ a nə n zɛnɛɛ ka kio, min ná a laakalɛɛ ka nɛ, bɛ̀ ka a golee li wa.»

Timəə dí-pɛn 28:24

Dɛnaa Lawa á re nyɔɔsɔ laanka gusuũ biɛ kaa gána lɛ wɔ lɛa, bɛ̀ a bɛ gisĩ ka la. Bɛn tá re n toɛ lon bɛ̀ ǹ gisĩ ka la, yǎa ka giɛ̃ ka nyɛɛ.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 15:26

Samayeli pɛ Sayulu ni: «Ma a die wusii man ti kunun n ni doo wa, a giala, ń Dɛnaa Lawa bɔlɔ tii. Dɛnaa Lawa nə́ n dɔ tii, n ba kii lɛa Izirayeli gána-n doo wa.»