Izayii 5:18 - LAWA A BOO SONBORE

¹⁸ Kaa wɔ n ka bɔ̀n nɛ, kasɛn mɛnɛn bɛ́ paraa-n kaa sii baraan ganaa, ka kaa soɛ boon ne! Kaa sii baraan man ka kio, ka wotoro bɛ́ lɔn!

LAWA A BOO SONBORE 2011

¹⁸ Kaa wɔ n ka bɔ̀n nɛ, kasɛn mɛnɛn bɛ́ paraa-n kaa sii baraan ganaa, ka kaa soɛ boon ne! Kaa sii baraan man ka kio, ka wotoro bɛ́ lɔn!

Izayii 5:18 ပူးပေါင်းရင်းမြစ်များ

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Loen 14:1

LOE-saalin goledɛnaa loe mɛn lɔ. Davida a loe n ke. Baãnaan man pii ǹ dinin gɔ́ɔ̃ nɛ mà Lawa banban. Bɛa minin kɛn nə́ ziziɛ̃, maǹ sii bɔnɛɛ zɛnɛɛ, ǹ kɔn ba sii bǐɛ̃ zɛnɛɛ wa.

Loen 36:2

Min baraa a yii wɔ Lawa la ǹ boo ke, bɛ n die ma yiri ni. Asɛ yii li, min doamaa bie a nyɛ́ɛ baa Lawa nyɛɛn wa.

Suusun 4:17

Hiĩ! Maǹ nə n dinin toe ka sii baraa kɛ nɛ ǹ tá zɛnɛɛ. Kakaarɛbaa la ǹ yii ni.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Zeremii 23:10

Gána lɛ piɛ̃maa-n ka naarɛbaalin ni. Lɛn baraa taman yii, gána lɛ n gɛ̀ koa gɔ́ɔ̃ nɛ. Gána lɛ a bɔmɔ bǎãn tumaa laa. Maǹ baa sii sii baraa ganaa. Sii mɛn bɛ́ a siĩ-n wa, ǹ foo n tã ka bɛa zɛnaa nɛ.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 36:23

Bɛ̀ Yewudi sɛ́wɔ lɛ a paǹ mɛn pɛ á nya, kii lɛ n bɛ kukuri ka gɔya boɛɛn nɛ a zũ tɛ-n. A zɛnaa miɛ̃ yǎa sɛ́wɔ munii lɛ nya lenlen.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Sofonii 1:12

Bɛa biikoo li, man die bolon diɛ ma Zeruzalɛmu kiwi guusi. Min mɛnɛn bɛ́ n dinin narɛ, ma á re dɔlɔ boe bɛn ganaa. Maǹ taasɛ ǹ gɔ́ɔ̃ nɛ: «Dɛnaa Lawa a boe màn kɔn la a zɛnaa wa, sii bǐɛ̃ lɛa hinlaa sii baraa lɛa.»

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Nya ǹ dín 26:9

Masɛ dinmaa lɛ n má goã taasɛ, máa ma doamaa nɛ man doa ka yɔrɔ din tumaa nɛ, ma zia da Yezu tɔ kɛ lɛ a goleemali wolen ganaa.

Sii yɔrɔ-bɔlen 17:13

Miikaa tɔ́n pɛ: «Kanna kəni, ma á doɛ̃ máa Dɛnaa Lawa á re sii bǐɛ̃ zɛnɛɛ masɛ nɛ, a giala, Levii tɔrɔ kɛ na á maa wúlu-bɔle baa.»

Sii yɔrɔ-bɔlen 17:5

Bɛ́ daa yaa, bɛa giĩ kɛ lɛ ǹ nə́ bíi Miikaa dɔn, bɛ̀ dì guguru kɔ ǹ kion tá a lon. Á kion lɛduə̃ ǹ dì zɛnaa, á dì lɛ a dí nya ǹ mɔnaa zɛnaa, a ná a din a nɛgiĩ goon bɔ á koa dì lɛ a wúlu-bɔle lɛa.