Izayii 5:17 - LAWA A BOO SONBORE

¹⁷ Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

LAWA A BOO SONBORE 2011

¹⁷ Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

Izayii 5:17 ပူးပေါင်းရင်းမြစ်များ

Nehemii 9:37

N wɔ kaa kiin mɛnɛn pàã giulun, wɔa siin baraan taman yii, bɛn wɔ n ka gána lɛ a màn damata kɛ nɛ. Maǹ giɛ̃ wɔ dinin laanka wɔa tɔɔn mìi la, ǹ dinin foo yii li. Wɔ n foo ziziɛ̃ gole gɔ́ɔ̃ nɛ.

Loen 119:70

Ǹ foo laa, ǹ ba li ǹ sii kɔn din giala ma wa. Sɛnɛ, n landa boon kɛn kɔmalɛ n kɔɔ̃n masɛ ganaa parsiini.

Loen 17:10

Makara kɔn ba ǹ foo-n wa. Ǹ boo tumaa din koa ǹ boo.

Loen 17:14

Dɛnaa Lawa, n din gɔn ma kirisibaa kanaa minbuiinin kɛn ganaa! Ǹsɛn wɔ gii n ka kanaa kɛ nɛ. N màn mɛn koa, maǹ nə n nɔ̀ piɛ̃ ka bɛ lɛ nɛ. Ǹ nɛnyaanan dɔn man kiɛ̃ ka bɛ lɛ nɛ, man a gialakun din koɛ ǹ nɔ̀ɔnɔn manɛ.

Loen 73:7

A laanɛ ǹ tá kasiɛ̃ nɛ, bɛ̀ ǹ yii bɔ màn li, ǹ gɔ́ɔ̃ n piɛ̃-n ka taasiɛ baraa nɛ.

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 17:2

Aroɛɛrɛ kiwin kɛn, á re n la boe bɛn ganaa duduu. Ǹ tá re tɔɔn buu sɔ̃ ǹ bǎã biɛ, ǹ tá re wɛɛ tán walan, min kɔn ná a ba ǹ nɔmɛɛ wa.

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Izayii 7:25

Nyan tewonən lɛn taman yii, ǹ goã wurun mɛnɛn kɔsɛ tentenen la, min kɔn ba re n gòã diɛ walan doo wa. A n die tɔɔn buu sɔ̃ ǹ bǎãn biɛ, sèren nə tɔ wɔ a nɛ.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Sofonii 2:14

A n die tɔɔn waa tán-a ǹ bǎã biɛ. Tɔɔ tɔrɔ tumaa, kɔlɔn nɛ, tèlò bàanan nɛ, bɛn man die lɛ̀ wɛɛ ǹ kion a mɛnɛn mala. Bàanan lɛ á re boe ǹ fenɛtərən lɛ-a. Foo-ziziɛ̃ tá re goɛ̃ ǹ kiɛnlɛ-a, ǹ tá re ǹ bìbìn woɛ̃ ǹ zũ.

Sofonii 2:6

Ń gána paǹ mɛn bɛ́ dia-n yìsi mu la, ma á re bɛ biɛ tɔɔn buu sɔ̃ ǹ bǎã lɛa, tɔɔn-lɛduəlin kiɛ̃ ǹ bǎã lɛa, sèren kaa ǹ bǎã lɛa.»

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.