Izayii 5:10 - LAWA A BOO SONBORE

¹⁰ Rezɛ̃ wuru hɛktara sɔɔ din ba re duvɛ̃ litiri posooro boe wa. Min mɛn bɛ́ re *belee kilo paabiɛ diɛ, bɛ n die belee kilo fù dinsɔɔ̃ kuri.»

LAWA A BOO SONBORE 2011

¹⁰ Rezɛ̃ wuru hɛktara sɔɔ din ba re duvɛ̃ litiri posooro boe wa. Min mɛn bɛ́ re *belee kilo paabiɛ diɛ, bɛ n die belee kilo fù dinsɔɔ̃ kuri.»

Izayii 5:10 ပူးပေါင်းရင်းမြစ်များ

Bɔ bɛ̀rɛbaa nɛ 37:22

Kòròn lɛn laanka gùrùn lɛn tumaa n kɔn ka a dinmaa tumu lɛ nɛ, ǹ nə́ dɛ ǹ nə́ zɛnaa ka sana *yoreen ne.

Izayii 32:13

Ka wuu pɛ maa zaman a tán la, ǹ mɛn bɛ́ nyan da si á n kɔ lɛ. Ka wuu pɛ kiwi zɔ́n-zɛnaali kɛa kionən la, foo kɔɔ̃n bɛ́ ǹ mɛnɛn nɛ.

Izayii 7:23

Bɛa pinaa kəni, wuru mɛn bɛ́ *rezɛ̃ da duu goon (1 000) ná a nɛ, a n kɔnpii wɔrɔ we duu goon ne, ǹ tá re n la boe bɛ ganaa a nyan tewon baa.

Zeremii 48:33

Foo kɔɔ̃n laanka nyɛnyɛɛ mɛn goã Moabu a wurun laanka Moabu gána tumaa nɛ, bɛ papaã. Duvɛ̃ kaa ǹ màn nɛ, duvɛ̃ banban. Min banban á n rezɛ̃ tɔrɛ bɛ̀ a n loe loe wa, ǹ loe foofoon kɛn lɛ kuru.

Zowɛli 1:17

Màn tɔrɔn nə́ ke boɛ̃ tán tii li. Dɔǹɔn gɔ́ɔ̃ kooro ne, màn tamaa ǹ bǎãn lɛn nə́ kaa. A giala, belee banban.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Lawa a wúlu-bɔlen 27:16

Bɛ̀ min mɛn ná a wuru paǹ kɔn pɔrɔ á kɔ Dɛnaa Lawa la, bɛ̀ ǹ dɛnaa tá li, a wusoo a na a mìi bɔ, *ɔrzi tɔrɔ mɛn bɛ́ boe la á we wuru lɛ nɛ, wuru lɛ giɔ̀mɔ nə n pii a kɔnpɛ ka bɛ nɛ: ɔrzi kilo biɛsɔɔ kɛ miã n kɔnpii ka wɔrɔ we posooro ne.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Azee 2:16

wàa sii na á goã ka yii? *Belee dakɔn mɛn bɛ́ màn yii fuə boe ka woo bɛ yaa fù. Bɛ̀ ka woo duvɛ̃ litiri posooro bɔ, ka n woe yiɛ bɛ̀ a n fuə.

Timəə dí-pɛn 28:38

Ka á re màn tɔrɔ gigiã diɛ wuru-n, sɛnɛ, ka a re màn taãn kuri a-n wa. A giala, bisinin man die a tumaa ziziɛ̃.

Timəə dí-pɛn 28:39

Ka á re rezɛ̃ da zumi ka ga a walan, sɛnɛ, ka n ka a re a duvɛ̃ mii wa. Ka a re a nɛ din niɛ ka da-n piɛ wa, a giala, nyuunun man die a tumaa soɛ̃.