Izayii 49:9 - LAWA A BOO SONBORE

⁹ n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

LAWA A BOO SONBORE 2011

⁹ n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

Izayii 49:9 ပူးပေါင်းရင်းမြစ်များ

Loen 102:20

Dɛnaa Lawa din na á n toa lon, a giã ǹ bǎã sonbore kɛ nɛ, á n kanaa á ga. A din na á n toa lon, á ga tán ganaa.

Loen 146:7

Ǹ bɛ́ boe min mɛn yii ni, a din nə sonbore koe bɛ la. A din nə màn-bii koe bòonaan la. A din nə kòso nɛn sii á ǹ kiɛ.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 69:33

Bɛ̀ fuu-yɛlen nə́ maa kirisibaa lɛ yɛ, ǹ tá re n nyɛnyɛɛ. Kasɛn mɛnɛn bɛ́ giɛ Lawa li, a die a kasɛn foo nyɛɛ.

Izayii 41:18

Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 42:7

N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 5:17

Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Ezekieli 34:29

Ma á re toɛ da sonboren nə bɔ ǹ wɔ lɛa, bòo á re minin dii gána lɛ-n doo wa. Tɔrɔ kɔsɔn ba re sìi diɛ ǹ ganaa doo wa.

Lawa a wúlu-bɔlen 25:54

Bɛ̀ Izirayeli min lɛ boo la á n din nyin si ka bɛa yɔrɔ kɛ lɛ kɔn nɛ wa, bɛ̀ lɛ̀ posooro zɔ́n dɔ, tii lɛ doamaa nɛ a n gɔn bɔ a ganaa a woo, a din laanka a nɛnyaanan nɛ.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Zaã a sɛ́wɔ 10:9

«Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Timəə dí-pɛn 32:13

Á giã ǹ bǎã kɔ ǹ la kele yii ni, ǹ nə́ wuru bɔ, ǹ nə́ màn yɛ ǹ nə́ bii. Á zoo bɔ kele yala-n á kɔ ǹ la ǹ nə́ bii, á *olivie dan kaa bɔ ganaa pára kaka la.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.