Izayii 49:7 - LAWA A BOO SONBORE

⁷ Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

LAWA A BOO SONBORE 2011

⁷ Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 49:7 ပူးပေါင်းရင်းမြစ်များ

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Loen 47:9

Lawa n kii lɛa tɔrɔ kɔsɔn kɛn dɔn mìi la. Lawa n giã nɛ, a Lawabaa ǹ kii dankan nɛ.

Loen 68:31

Paraa ǹ li. Paraa Ezipti li, paraa bɛa bùruu gɔ́ɔ̃ nɛ ǹ tɔɔ kɛ li. Tɔrɔ gialakunun kɛn man ka tɔɔ kuru bɛ́ lɔn, diin laanka ǹ nɛn nɛ, paraa ǹ dɔn li, ń giɛ, ǹ tumaa á die kiɛ tán n din yɔrɔ-a, ka wɔrɔ wen nə́ ǹ gɔn. Zia bɛ́ kɔɔ̃n tɔrɔn mɛnɛn-a, bɛn loo.

Loen 69:19

Da ma li, n maa dɔmalɛ wole baa. Maa zɔ́ɔn bɛ́ ǹ tan ke, ma si ǹ la.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 19:21

Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 19:23

Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 48:7

Ǹ bie sii zizin lɛa wa. Sisia nɛ, ma á re ǹ zɛnɛɛ. A da pelo yaa, ka bin tɔ nə ǹ boo ma wa. Má goã li ka pɛ mà a boo tá ka too-n lɛlɛ ǹ dun wa!»

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Izayii 60:10

Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Luku 22:27

Ka dinin kánaa, man nɔ̀n diɛ ka la, min paa kɛ bii die n gole: Min mɛn bɛ́ tán màn bii, hinlaa min mɛn bɛ́ màn lɛ siɛ koe a biili la? Giã tán a màn-biili lɛ bie gole wa? Sɛnɛ, masɛ n ka bii, ka dí-nyali bɛ́ lɔn!

Luku 23:18

Zaman lɛ nə́ n lɛ dɛ kun mà a dɛ a gã, a Barabaasi da.

Luku 23:23

Sɛnɛ, zaman lɛ nə́ n laa Pilati ganaa ka lɛ-dɛ gigiã nɛ, mà a Yezu lɛ dere gɔn ganaa. Ǹ pàã nɔmaa á la nɛ.

Luku 23:35

Zaman lɛ na á goã golee ne giɛ. Pàã a goledɛnan kɛn sɛn man nə́ goã yaa we bɛ̀ ǹ nə́ pii: «Ń min kɔsɔn nyin si, n din wɔ si sisia kəni, bɛ̀ Nyin-sili kɛ lɛ Lawa n die diɛ, Lawa din a min boe lɛ, bɛ̀ n tá bɛ lɛa sonbore!»

Zaã a sɛ́wɔ 18:40

Ǹ nə́ nɔmaa ǹ nə́ bɔ ǹ nə́ mɛ la ǹ nə́ n lɛ dɛ mà aba, mà a baran kɛ da wa. Mà a Barabaasi da! A da yaa bɛa Barabaasi lɛ dɔ n mɛnaa minin la wole lɛa.

Zaã a sɛ́wɔ 19:15

Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Zaã a sɛ́wɔ 19:6

Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Timəə dí-pɛn 7:9

Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: