Izayii 49:6 - LAWA A BOO SONBORE

⁶ Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

LAWA A BOO SONBORE 2011

⁶ Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 49:6 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Kiin2 20:10

Ezekiasi tɔ́n na a lɛ si: «Á nanaa wúlu ganaa a gòã yii fù baa da a baa li. Sɛnɛ, masɛ má a gòã yii fù baa bɔ a baa lɛ.»

Kiin2 3:18

Sɛnɛ, bɛ din ba màn kɔn lɛa Dɛnaa Lawa yii li wa, a tá re Moabu minin lɛn dɔn we ka gɔn.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 67:3

A zɛnaa miɛ̃, ń giɛ, kanaa gɔ́ɔ̃ nɛ, minin tá n dí nya ǹ gɔn doɛ̃. Tɔrɔ kɔsɔn tumaa a minin die n dɔ̃, mà n din lɛ n kirisibaali lɛa.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Zakarii 6:13

Sonbore, a din nə die Dɛnaa Lawa a kion lɛ doe. Á re kii dɔnkɛn we, a giã kii dankan la, a nyɛɛnaan bɔ. Lawa a wúlu-bɔle goon tá re giɛ̃ a genli, kii dankan la, ǹ tá re kɔn miɛ̃ parsiini.

Zakarii 8:22

Taãn nɛ, tɔrɔ gigiã pàãdɛnan tá re die Zeruzalɛmu, ǹ da ga ma li, ǹ ma nyankɔ.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 26:23

A na á n pɛ mà Minin Nyin-sili lɛ á re die, ǹ nɔmaa, ǹ dɛ a gã, sɛnɛ, a din nə die yii kaa wole binaa biɛ á n bɔ geren bii, a kirisibaa ǹ wɔlɔ fúlu bɔ Zuifu tɔrɔn laanka tɔrɔ kɔsɔn manɛ.»