Izayii 49:4 - LAWA A BOO SONBORE

⁴ Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

LAWA A BOO SONBORE 2011

⁴ Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Izayii 49:4 ပူးပေါင်းရင်းမြစ်များ

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Suusun 29:26

Min gigiã n giɛ goledɛnaa a laakalaa li. Sɛnɛ Dɛnaa Lawa n kiri we didie ganaa.

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 40:27

Izirayeli, wàa na á baa n tá boo diɛ, Zakɔba wàa na á baa n tá gungunun sii, n nə́ pii: «Maa biɛ̃ ǹ ke, Dɛnaa Lawa yii ba bɛ ganaa wa. Ma kɔnbɔ ka sii mɛn nɛ, maa Lawa yii ba bɛ ganaa wa.»

Izayii 57:21

Maa Lawa pɛ: «Yii-nyɛɛ goon din banban min baraan wɔ lɛa wa.»

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Izayii 65:23

Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Ezekieli 3:19

Sɛnɛ, bɛ̀ n nə́ n gɔn waa min baraa lɛ nɛ, bɛ̀ a na a baraabaa lɛ laanka a tɔ wɔ ǹ gɔn baraa lɛ kaa wa, a din nə die giɛ̃ a sii baraan taman yii. Sɛnɛ, nsɛ yii á re goɛ̃ koo.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Luku 24:26

Ka a doɛ̃, mà Nyin-sili lɛ doamaa nɛ, a bɛa fuu kɛ lɛ tumaa yɛ, a tɔn wo giã a din a gugurubaa ǹ bǎã kɛ-n wa?»

Zaã a sɛ́wɔ 1:11

Á daa a din a gána nɛ, sɛnɛ a din tɔrɔn nə́ ǹ piã nɛ.

Rɔmu minin 10:21

Sɛnɛ, Izirayeli wɔ gɔn la, Lawa pɛ: «Duduu, má n gɔn dia tɔrɔ bɔlɔgoonbaã, piã wole la. Sɛnɛ, bɛ din tumaa kio, Izirayeli Lawa bɔlɔ tii, á n piã nɛ.»

Korɛnti2 12:15

Man boe ma din ni, má n ma gɔn màn tumaa koe ka la, ka ma din tumumaa dɔ nɛ. Bɛ̀ má màn da ka narɛɛ li, ka á re nyaabiɛ ma narɛɛ ganaa?

Korɛnti2 2:15

A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li.

Galaasi minin 4:11

Nyɛ́ɛ tá ma ganaa kaa wɔ paǹ li. Masɛ dí mɛn tumaa nya ka nɛ, bɛ n die goɛ̃ kooro?

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.