Izayii 49:22 - LAWA A BOO SONBORE

²² Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

LAWA A BOO SONBORE 2011

²² Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

Izayii 49:22 ပူးပေါင်းရင်းမြစ်များ

Loen 102:22

Maǹ die Dɛnaa Lawa tɔ kɛ kalɛɛ Zeruzalɛmu gɔ́ɔ̃ nɛ, maǹ die loe loe ǹ na a para pɛ nɛ.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 18:3

Kasɛn kanaa tumaa minin, kasɛn mɛnɛn bɛ́ tán piɛ̃, bɛ̀ ka zazan yɛ tenten la biikoo mɛn li, ka ga! Bɛ̀ ka sère gɔ̀lɔ̀ bɛn wuu ma ǹ mɛn waáraa, ka n too kɔ!

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Zakarii 8:22

Taãn nɛ, tɔrɔ gigiã pàãdɛnan tá re die Zeruzalɛmu, ǹ da ga ma li, ǹ ma nyankɔ.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Luku 13:29

Sonbore, minin tá re boe lɛ̀giala-n, ǹ bɔ lɛ̀nyɛɛnɛ, ka gusin a lɛ̀ gùrù laanka gɔsɛ wɔ nɛ, ǹ giã ǹ bǎã yɛ Lawa li zɔ́n màn bii ǹ bǎã kɛ nɛ.