Izayii 49:16 - LAWA A BOO SONBORE

¹⁶ Á ke, má n tɔ kiɛ̃ ma gɔn tìsì bii. N tamaa ǹ kungɔnɔn kɛn, man taasiɛ we bɛn ganaa biikoo yii li.

LAWA A BOO SONBORE 2011

¹⁶ Á ke, má n tɔ kiɛ̃ ma gɔn tìsì bii. N tamaa ǹ kungɔnɔn kɛn, man taasiɛ we bɛn ganaa biikoo yii li.

Izayii 49:16 ပူးပေါင်းရင်းမြစ်များ

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 54:12

N kungɔn lalan nə die goɛ̃ kɔlɔ giɔ̀mɔ kakaa tã lɛa. N kiɛnlɛn man die goɛ̃ kɔlɔ tɛ-pɛlen lɛa ǹ nə́ la damalen ne. Kungɔn mɛn tumaa bɛ́ kiwi lɛ lɛnpɛnɛ, a yii n die n doe ka kɔlɔ giɔ̀mɔ kakaa nɛ.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Zeremii 22:24

Ka maa yiikoonaabaa nɛ, ma nə n liɛ, Dɛnaa Lawa a da ǹ boo ne, ta Zozakimu a nɛgiĩ, Zudaan kii Konia n ma gòon ganaa ǹ kaaran lɛa we-n ma gusin a gòon ganaa, man die n boe ma n bɔ a ganaa.

Azee 2:23

Dɛnaa Lawa Pàãyiidɛnaa pɛ: «Bɛa pinaa kɛ lɛ nɛ, man die n kuĩ, nsɛ Zorobabeli, Salatieli a nɛ maa kialandɛnaa, hiĩ, Dɛnaa Lawa na á pɛ, man die n biɛ ka kaaran bɛ́ lɔn ǹ tá we góon ganaa, n tá re sii zɛnɛɛ ka ma tɔ nɛ. A giala ma din ni má n bɔ. Dɛnaa Lawa Pàãyiidɛnaa a da ǹ boo n ka kɛ nɛ.»