Izayii 49:13 - LAWA A BOO SONBORE

¹³ Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

LAWA A BOO SONBORE 2011

¹³ Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 49:13 ပူးပေါင်းရင်းမြစ်များ

KZS1 16:31

Lon mànan nə n nyɛnyɛɛ, tán wɔn nə bɛ̀ baa ka foo kɔɔ̃n nɛ! Ka pɛ tɔrɔn bii mà Dɛnaa Lawa n kii lɛa!

Loen 148:9

Kelen laanka tentenen tumaa, da nɛ-kɔlen laanka da kakan tumaa, ka loe lɔ ka a tɔ bɔ nɛ.

Loen 65:13

Tɔɔn màn-bii n yii bǎã geren tumaa nɛ, foo kɔɔ̃nbaa ǹ loen lɛ n boe tentenen lɛnpɛnɛ.

Loen 69:34

A giala, mà Dɛnaa Lawa á doobaan nyankɔ sii. Bɛ̀ a din wɔn kɛn tá kòso-n, a ba sàn koe ǹ sii-n wa.

Loen 71:21

N tá re wusii n ma foo taã, n maa zín kɔ ma la doo.

Loen 89:13

N din nə ń gɔsɛ laanka gusin a lɛ̀gɔn zɛnaa. Tabɔɔrɔ laanka Ɛrmɔn kelen maǹ nə́ n din para pii.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 49:14

*Siɔn na á goã pii: «Dɛnaa Lawa nə́ n la bɔ ma ganaa. Dɛnaa yiri bɔ ka ma nɛ.»

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 55:12

Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 51:48

Min mɛnɛn doamaa bɛ́ nɛ ǹ kiwi lɛ ziziɛ̃, maǹ boe gɔsɛ a lɛ̀gɔn li. Bɛa waáraa kəni, lon laanka tán ka ǹ gɔ́ɔ̃gɔ́ɔ̃ ǹ mànan tumaa n die gɔ̀lɔ̀baa ǹ lɛ dii a ganaa. Dɛnaa Lawa a da ǹ boo ne.

Ezekieli 35:14

Dɛnaa Lawa a da ǹ boo á ke: Kanaa minin tumaa bɛ́ re n nyɛnyɛɛ kaa zɛnaa ǹ sii kɛ taman yii ǹ mɛn waáraa, masɛ á re kaa gána lɛ ziziɛ̃.

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.