Izayii 49:12 - LAWA A BOO SONBORE

¹² Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

LAWA A BOO SONBORE 2011

¹² Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 49:12 ပူးပေါင်းရင်းမြစ်များ

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:18

N mìi saa lon, n ga n paran li. N nɛnyaanan tumaa nə́ n sɔkɔn, maǹ die n din li. Dɛnaa Lawa a da ǹ boo á ke: Maa yiikoonaabaa taman yii ǹ tá re n biɛ n wɔ lɛa ka bɔlɔ-a ǹ gii bɛ́ lɔn, ka bɔsɔ-n gii bɛ́ lɔn lɔ wɔsiɛ n diɛ.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 60:4

N yii saa lon n ga n paǹ tumaa li: Ǹ tumaa nə n lɛ soekɔn, ǹ nə́ die n li. N nɛgiĩn man boe sɔsɔɔ die, maǹ nə n nɛlɔn guĩ ǹ kolo-n.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Matiə 8:11

Man pii ka nɛ: Min gigiã tá re boe lɛ̀giala-n ka lɛ̀nyɛɛn nɛ, ǹ giã tán ǹ zɔ́n màn bii lon a kiibaa ǹ bǎã nɛ kun ka Zuifun digolo Abrahamu ni, ka Izaaki ni, ka Zakɔba nɛ.

Luku 13:29

Sonbore, minin tá re boe lɛ̀giala-n, ǹ bɔ lɛ̀nyɛɛnɛ, ka gusin a lɛ̀ gùrù laanka gɔsɛ wɔ nɛ, ǹ giã ǹ bǎã yɛ Lawa li zɔ́n màn bii ǹ bǎã kɛ nɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.