Izayii 49:10 - LAWA A BOO SONBORE

¹⁰ Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

LAWA A BOO SONBORE 2011

¹⁰ Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 49:10 ပူးပေါင်းရင်းမြစ်များ

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Izayii 35:6

Bɔlɔkan tá re parɛ ka tiã bɛ́ lɔn. Lɛ tere-an lɛ á re n buĩ, ǹ nə ǹ foo kɔɔ̃nbaa ǹ lɛ dɛ. Mu á re pìã woɛ̃ diə ne. Tà mu á re baa sii tán gere la.

Izayii 35:7

Nyɔɔsɔ̃ fuu kɛ á re n bɔyɛɛ a pɛrɛ baa, tán gere á re bɔyɛɛ, a mu yala bǎã baa. Tolokan nə goã giã ǹ bǎã mɛn nɛ, bùruu laanka sawɛɛ á re boe walan.

Izayii 4:6

ka siã bɛ́ lɔn, wúlu koe penleen sɛ̀fuu biikoo li. A n die mìi duru ǹ bǎã biɛ piɛ̃ gole nyɛɛnɛ ka la nɛ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 43:19

A giala á ke, man die sii soree zɛnɛɛ, a n gole koe goon lɛa. Ka yii tá a ganaa ya? Sonbore, man die zii boe diə ne, ma mu da baa si ganaa bɛa bǎã gere kɛ lɛ nɛ.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 48:21

Á woo ka Izirayeli minin ni diə bǎã nɛ, mu boro nə ǹ kũ wa. Ǹ dinin lɛa, á gɛ̀fu da mu bɔ ganaa. Á gɛ̀fu lɛ wɔsɔ, mu baa si tán.

Izayii 51:14

Kànaa ka boɛɛn nɛ, kòso nɛ mɛn bɛ́ bɔ ǹ lɛ ba la wa, ǹ tá re bɛ boe ǹ da. A re giɛ̃ kòso-n wa, màn-bii á re nyaabiɛ a ganaa doo wa.

Izayii 52:12

Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Zonaasi 4:8

Á ga gɛ̀ li bɛ̀ a n pii mà gɛ̀ á soɛ asɛ ganaa tá kanaa nɛ.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.