Izayii 49:1 - LAWA A BOO SONBORE

¹ Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

LAWA A BOO SONBORE 2011

¹ Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:1 ပူးပေါင်းရင်းမြစ်များ

Loen 22:10

Taãn nɛ, Dɛnaa Lawa, n din nə́ ń toa má soo ma dan gɔ́ɔ̃ nɛ. N din nə́ ń ma tamaa a kolo-n miɛ̃.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 33:13

Wɔlɔ sɔsɔɔdɛnan lɛn, ma sii mɛn zɛnaa, ka n too kɔ bɛ li. Wɔlɔ kunudɛnan lɛn, ka maa boo sii la dɔ̃.»

Izayii 41:1

Dɛnaa Lawa pɛ: Kasɛn, gánan kɛn mu ka da bii, ka giã kiĩni ma yɔrɔ-a, ka n too kɔ ma lon Kasɛn, tɔrɔn tumaa, ka n we yii. Ka n zɔ̃ ka dɔ ka boo da. Ka wɔ n ta kiri wɔ ǹ bǎã-n kun.

Izayii 42:12

Dɛnaa Lawa tɔ nə n bɔ, mu gánan mɛnɛn da bii, bɛn na a tɔ bɔ ka lɛn gole ne.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 45:3

Naforon mɛnɛn bɛ́ koa-n wɔlɔ tì li ka ǹ mɛnɛn bɛ́ durii ni, ma á re bɛn koe n la. Ka bɛ nɛ, n tá re doɛ̃ kəni, mà masɛ din Dɛnaa Lawa nə n bíi ka n tɔ nɛ, masɛ n Izirayeli a Lawa lɛa.

Izayii 46:3

Zakɔba a minin lɛn, ka n too kɔ ma lon, kasɛn Izirayeli tɔrɔ gialakun ke, a kũ kaa yɛ waáraa ganaa, má ka gɔ̀nɔn kũ. Ka yɛ lɔn gɔrɔ, má ka gũ ma kolo-n!

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 1:31

N tá re nɔ̀ sii, n nɛgiĩ yɛ, n tá re a tɔ koe Yezu.

Zaã a sɛ́wɔ 10:36

Sɛnɛ, Lawa bɛ́ á masɛ mɛn bɔ, á ma dia kanaa kɛ gɔ́ɔ̃ nɛ, a n siɛ lɔn ka tá pii, mà masɛ n Lawa tɔ ziziɛ̃, a giala, mà man má pɛ mà man Lawa a Nɛgiĩ lɛa?

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Efɛɛzi minin 2:17

Kasɛn tɔrɔ kɔsɔn mɛnɛn nə goã sɔsɔɔ Lawa ganaa, ka Zuifun mɛnɛn nə goã kunu a ganaa, Krita na á daa là nyantoro yɛ ǹ Boo Tii Kɔɔ̃n kɛ pɛ ka nɛ, ka bɛa yɔrɔ kɛ nɛ.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Piɛrɛ1 1:20

Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.