Izayii 48:6 - LAWA A BOO SONBORE

⁶ Ma boo mɛn da, ka too ma. Sii mɛn nə n zɛnaa, ka yii yɛ; Ka a re lɛ koe ǹ ganaa wa? «A kũ sisia ganaa, man sii soreen pii ka nɛ. Sii duriin manɛ, ka a ǹ doɛ̃ bɔrɔ wa.

LAWA A BOO SONBORE 2011

⁶ Ma boo mɛn da, ka too ma. Sii mɛn nə n zɛnaa, ka yii yɛ; Ka a re lɛ koe ǹ ganaa wa? «A kũ sisia ganaa, man sii soreen pii ka nɛ. Sii duriin manɛ, ka a ǹ doɛ̃ bɔrɔ wa.

Izayii 48:6 ပူးပေါင်းရင်းမြစ်များ

Loen 107:43

Bɛ̀ min mɛn tá li a sii dɔ̃, a die a n yiri koa bɛa siin kɛn lɛn tumaa li, a dɔ̃ ma Dɛnaa Lawa a bǐɛ̃ lɛ na a tan yǎa duduu.

Loen 119:13

N sii yɔrɔ bɔ ǹ boon kɛn, má ǹ tumaa pɛ ka ma lɛ nɛ.

Izayii 21:10

Maa zaman, ǹ nə nsɛ mɛn duwəə ka n bɛ́ *belee duwii lɔn, ma doroo mɛn yɛ boe Dɛnaa Lawa Pàãyidɛnaa, Izirayeli a Lawa li, bɛ n ka kɛ nɛ. Bɛ n kibərə lɛa, man pii n ni.

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 42:9

Á ke, sii bibinaan nə́ n zɛnaa ǹ nə́ kiɛ̃. Kanna, man sii soreen boo diɛ. Ma nə ǹ pii ka nɛ, ǹ laan bɛ̀ ǹ nə n zɛnaa.»

Izayii 43:19

A giala á ke, man die sii soree zɛnɛɛ, a n gole koe goon lɛa. Ka yii tá a ganaa ya? Sonbore, man die zii boe diə ne, ma mu da baa si ganaa bɛa bǎã gere kɛ lɛ nɛ.

Izayii 48:7

Ǹ bie sii zizin lɛa wa. Sisia nɛ, ma á re ǹ zɛnɛɛ. A da pelo yaa, ka bin tɔ nə ǹ boo ma wa. Má goã li ka pɛ mà a boo tá ka too-n lɛlɛ ǹ dun wa!»

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Misee 6:9

Dɛnaa Lawa lɛ á boe kiwi lɛ gialaa. Min mɛnɛn bɛ́ nyɛ́ɛ biɛ nɛ, á die bɛn kirisibiɛ. Dɔlɔ mɛn nə n da ka mìi ni, ka n yii da bɛ la. Min mɛn dɔ da ka mìi ni, ka n too kɔ bɛ lon.

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Zaã a sɛ́wɔ 15:15

Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Sii-nyaan 1:19

«N yii bɛ́ á siin mɛnɛn yɛ, ka ǹ mɛnɛn bɛ́ n zɛnɛɛ sisia, ka ǹ mɛnɛn bɛ́ re n zɛnɛɛ bɛ kio, bɛn tumaa kiɛ̃.

Sii-nyaan 4:1

Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»