Izayii 48:3 - LAWA A BOO SONBORE

³ «Sii bibinaan kɛn, má ǹ boo da ka nɛ haalɛ bibi, má a boo da ka nɛ, ka ma. Bǎã goon ne, má siin zɛnaa, ǹ nə́ yɔrɔ dɔ yɛ.

LAWA A BOO SONBORE 2011

³ «Sii bibinaan kɛn, má ǹ boo da ka nɛ haalɛ bibi, má a boo da ka nɛ, ka ma. Bǎã goon ne, má siin zɛnaa, ǹ nə́ yɔrɔ dɔ yɛ.

Izayii 48:3 ပူးပေါင်းရင်းမြစ်များ

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Izayii 30:13

Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 37:29

Hiĩ, n foo bɛ́ á yoo masɛ li, n tɔ ziziɛ̃ ǹ boo mɛn da, á kaa ma too ne. Bɛ lɛ nɛ, man die fɔlɔ biɛ diɛ n nyin ni, ma karfɔ wɔ n lɛ-n. N kɔ zii mɛn lɛ n daa kànaa, man die wusii ma n da bɛ lɛ la, n wo piɛ.

Izayii 37:7

Ǹ kii á re boo goon miɛ. Á ke ma á re a yiri bɔyɛɛ, ma dia a gána nɛ. Walan kəni, ǹ tá re dii ka gɔya sa nɛ.»

Izayii 41:22

Ka da ǹ nɛ, siin mɛnɛn bɛ́ die, ka bɛn pɛ wɔ nɛ. Lɛlɛ siin kɛn nə goã lɔn, ka bɛ pɛ wɔ nɛ. Ka ǹ nyaa wɔ nɛ, wɔ n taasɛ ǹ ganaa. Wɔ á re bɛn kio siin doɛ̃. Biɛ̃ ǹ siin kɛn, ka ǹ pɛ wɔ nɛ, wɔ dɔ̃ sii mɛn bɛ́ re n zɛnɛɛ.

Izayii 41:27

Ma din Dɛnaa Lawa n má a boo da *Siɔn bibinaa nɛ, má maa dia dí-a wole dia Zeruzalɛmu máa a wo boo tii kɔɔ̃n pɛ.

Izayii 42:9

Á ke, sii bibinaan nə́ n zɛnaa ǹ nə́ kiɛ̃. Kanna, man sii soreen boo diɛ. Ma nə ǹ pii ka nɛ, ǹ laan bɛ̀ ǹ nə n zɛnaa.»

Izayii 43:9

Zaman tumaa nə n lɛ sɔkɔn! Tɔrɔn tumaa nə n lɛ sɔkɔn! Sii mɛn bɛ́ n zɛnɛɛ, die n boe la a yɛ ǹ bii, a bɛ pɛ? Sii mɛn nə n zɛnaa lɛlɛ á kiɛ̃, die n boe la a bɛ pɛ wɔ nɛ? Bɛ̀ ǹ tá li ǹ nyaa mà sonbore tá ǹ lon, ǹ da ka ǹ siéren ne! Sieren lɛn nə pɛ mà «Taãn nɛ!»

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Zozoe 21:45

Dɛnaa Lawa lɛ-kɔ Sonbore mɛn tumaa wɔ Izirayeli minin lɛn manɛ, ǹ kɔn goã kooro wa. Á ná a tumaa a sii zɛnaa.