Izayii 48:19 - LAWA A BOO SONBORE

¹⁹ bɛ̀ n tɔrɔ n die mɔnɛɛ ka yìsi mu lɛ-a ǹ nyɔɔsɔ̃ bɛ́ lɔn, bɛ̀ n nɔ̀ɔnɔn tá re mɔnɛɛ ka nyɔɔsɔ̃ bɛ́ lɔn, bɛ̀ n tɔ á re n tuturi a n bɔ ma yɔrɔ-a duduu wa.»

LAWA A BOO SONBORE 2011

¹⁹ bɛ̀ n tɔrɔ n die mɔnɛɛ ka yìsi mu lɛ-a ǹ nyɔɔsɔ̃ bɛ́ lɔn, bɛ̀ n nɔ̀ɔnɔn tá re mɔnɛɛ ka nyɔɔsɔ̃ bɛ́ lɔn, bɛ̀ n tɔ á re n tuturi a n bɔ ma yɔrɔ-a duduu wa.»

Izayii 48:19 ပူးပေါင်းရင်းမြစ်များ

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Zɔbu 5:25

N tá re n tɔrɔn yii mɔnɛɛ, n nɛnyaanan tá re mɔnɛɛ, ka buu bɛ́ lɔn boe tán.

Loen 109:13

A tɔrɔ die a papaã. Kànaa ka lɛ̀ dan kɔn, yiri bɔ ka a tɔ-n ka lenlen.

Loen 9:5

A giala, ń giã n kiibaa ǹ dankan kɛ nɛ, kii pepere, ń kiri wɔ ma a lɛa, ń maa sii yɔrɔ bɔ.

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 14:22

Dɛnaa Lawa Pàãyiidɛnaa a da ǹ boo á ke: «Ma á re yui *Baabilonii minin gialaa, ma ǹ tɔ tuturu. Ǹ min mɛnɛn yii bɛ́ re goɛ̃ koo ka ǹ nɛnyaanan nɛ, ka min mɛn tumaa bɛ́ re yii ǹ kio.» Dɛnaa Lawa a da ǹ boo ne.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 44:4

Ǹ tá re yii, ǹ gole kɔ, ka wuru gɔ́ɔ̃ nɛ ǹ buu bɛ́ lɔn, ka da bɛ́ lɔn, mu lɛkoro lɛ-a.

Izayii 48:9

Sɛnɛ, ma tɔ taman yii, má maa foo-yoo lɛ da. Ma doamaa bɛ́ ka tɔ bɔ nɛ, bɛ lɛ nɛ, má n foo kũ ka li, màn mɛn bɛ́ toɛ, ma nyan ka papaã wa.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Izayii 9:14

Min golen laanka kiãn man a mìi lɛa, Lawa a boo gii-dali soɛ-bɔlen kɛn man a mui lɛa.

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Sofonii 1:4

Dɛnaa Lawa a da ǹ boo á ke: Ma á re n gɔn siɛ Zudaa laanka Zeruzalɛmu kiwi minin kɛn li. Ma á re ǹ dì *Baali gialakun kɛ tumaa bɔ̀n biɛ, ma á re a wúlu-bɔlen dinin tɔ papaɛ̃.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Timəə dí-pɛn 9:14

Toa ma ǹ dɛ ma ǹ nya, ma ǹ tɔ tuturu ma bɔ kanaa. Ma á re toɛ n din tɔrɔn nə mɔnaa, pàã nə́ ǹ lon á la kɛn manɛ.»

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

Uruti 4:10

Maalɔn a lɔ Uruti lɛ Moabu tɔrɔ lɛa, masɛ bɛ dɔ saa lɔ lɛa, màn mɛn bɛ́ toɛ, ma woo wole lɛ tɔ koa a gɔn màn la, a tɔ dɔ baran papaã a n bɔ ǹ dɔɔ̃nɔn bii wa, a baran papaã a n bɔ kiwi dɔ a sii yɔrɔ bɔ ǹ bǎã-n wa. Ka dinin man bɛa siéren lɛa pelo.