Izayii 48:12 - LAWA A BOO SONBORE

¹² Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

LAWA A BOO SONBORE 2011

¹² Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

Izayii 48:12 ပူးပေါင်းရင်းမြစ်များ

Suusun 7:24

Kanna kəni, maa nɛ, ma bɛ́ boon mɛnɛn pii n ni, n too kɔ ma lon,

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Izayii 34:1

Tɔrɔn lɛn, ka n mɔrɔ ka n too kɔ. Zaman, ka n too kɔ sɔnbɔraanɛ! Tán laanka a gɔ́ɔ̃gɔ́ɔ̃ ǹ mànan, ka n too kɔ! Kanaa laanka màn mɛn tumaa bɛ́ boe a nɛ, ka n too kɔ!

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 41:4

Die na á bɛ tumaa zɛnaa? Min mɛn bɛ́ kanaa a tɔrɔn koɛ, bɛ nɛ. Ma din Dɛnaa Lawa nɛ. Ma din ni sii tumaa giala kɔ lɛa. A wo kaa ǹ giala-nyɔmɔɔ lɛ, ma din Dɛnaa Lawa-n doo.

Izayii 43:10

«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 44:1

Kanna kəni, n too kɔ, maa dí-nyali Zakɔba, Izirayeli, nsɛ mɛn bɛ́ má n yii gɔgɔɔ̃.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 46:3

Zakɔba a minin lɛn, ka n too kɔ ma lon, kasɛn Izirayeli tɔrɔ gialakun ke, a kũ kaa yɛ waáraa ganaa, má ka gɔ̀nɔn kũ. Ka yɛ lɔn gɔrɔ, má ka gũ ma kolo-n!

Izayii 46:4

Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Matiə 20:16

Yezu tɔ́n pɛ: «A n miɛ̃, kiodɛnan tá re nyɛɛnaandɛnan biɛ, min mɛnɛn bɛ́ nyɛɛnaandɛnan lɛa, bɛn tá re kiodɛnan biɛ.»

Rɔmu minin 1:6

Ka dɔn man bɛa minin kɛn lɛn lɛa, Lawa ka bíi mà ka Yezu Krita wɔn baa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Sii-nyaan 22:13

Masɛ din nə bibinaa lɛa, ma din nə giala-nyɔmɔɔ dɔ lɛa, giala-kɔ nɛ, ka a nya ǹ bǎã nɛ.»