Izayii 48:11 - LAWA A BOO SONBORE

¹¹ Sonbore, bɛ̀ n yaa má zɛnaa miɛ̃, ma din tɔ taman yii ni! A giala, ma a lɛ koe sɔ ganaa wa. Golebaa mɛn bɛ́ maa wɔ lɛa, ma a re toɛ bɛ dɔ min kɔsɔ ganaa wa.

LAWA A BOO SONBORE 2011

¹¹ Sonbore, bɛ̀ n yaa má zɛnaa miɛ̃, ma din tɔ taman yii ni! A giala, ma a lɛ koe sɔ ganaa wa. Golebaa mɛn bɛ́ maa wɔ lɛa, ma a re toɛ bɛ dɔ min kɔsɔ ganaa wa.

Izayii 48:11 ပူးပေါင်းရင်းမြစ်များ

Loen 106:8

Sɛnɛ, á ǹ kirisibaa a din tɔ kɛa lɛa, a ná a din a Pàãyiidɛnaabaa nyaa.

Loen 115:1

A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 25:11

Dɛnaa Lawa, maa sã lɛ gole kɔ, á la yii ni. N din tɔ kɛa lɛa, a toa ma nɛ.

Loen 25:7

Maa tenbaa waáraa a sã ǹ siin laanka bɔlɔ tii siin kɛn, n baran ma kũ bɛn li wa. Dɛnaa Lawa, ma kũ n din a kɔn-narɛɛ gole kɛ li, n bǐɛ̃ duduu kɛa lɛa.

Izayii 37:35

Man kiwi kɛ tamɛɛ, ma a kirisibaa. Man bɛ zɛnɛɛ ma din a lɛa ka maa dí-nyali Davida nɛ.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 48:5

Bɛ lɛ nɛ, má kɛa boon kɛn pɛ ka nɛ haalɛ bibi. Ǹ laan bɛ̀ ǹ nə n zɛnaa, má ǹ pɛ ka nɛ. Ma ba li ka pɛ mà kaa dì lɛ na á ǹ tumaa zɛnaa wa, mà kaa gɔn màn nyín sɛlɛ hinlaa kaa fɔlɔ màn nyín zɛnaa kɛ lɛ na á sii tumaa yɔrɔ bɔ wa.»

Izayii 48:9

Sɛnɛ, ma tɔ taman yii, má maa foo-yoo lɛ da. Ma doamaa bɛ́ ka tɔ bɔ nɛ, bɛ lɛ nɛ, má n foo kũ ka li, màn mɛn bɛ́ toɛ, ma nyan ka papaã wa.

Izayii 52:5

Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 20:22

Sɛnɛ, má wusoo ka ma gɔn nɛ, ma din tɔ taman yii ma sii lɛ zɛnaa wa, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, ma tɔ nyan toa a ziziɛ̃ bɛn bii wa.

Ezekieli 20:39

Izirayeli minin lɛn, sisia kəni, man kɛ pii ka nɛ: «Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ezekieli 20:44

Izirayeli minin lɛn, ma a re ka kuĩ kaa zɛnaa ǹ sii babaraan laanka kaa nya ǹ dí bɔbɔnɛɛn kɛn li wa. Sɛnɛ, ma tɔ kɛ bɛ́ re gugurubaa yii lɔn, man ka kuĩ á kɔnpii ka bɛ nɛ, màn mɛn bɛ́ toɛ ka dɔ̃ mà ma din nə Dɛnaa Lawa lɛa.» Ma din Dɛnaa Lawa a da ǹ boo ne.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Rɔmu minin 2:24

Sonbore, a kiɛ̃maa tá Lawa a boo-n kɛnɛn: «Ka dinin kɛn lɛn lɛa nɛ, tɔrɔ kɔsɔn tá Lawa tɔ ziziɛ̃.»

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.