Izayii 48:1 - LAWA A BOO SONBORE

¹ Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

LAWA A BOO SONBORE 2011

¹ Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Izayii 48:1 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 35:10

Lawa pɛ nɛ: «Ń tɔ na á goã Zakɔba. Sɛnɛ, ǹ ba re n bíi Zakɔba doo wa, n tɔ n Izirayeli sisia.» Bɛ lɛ nɛ, Lawa ná a tɔ kɔ Izirayeli.

Kiin2 17:34

Pelo, pelo, maǹ tɔn nə ǹ sii zɛnaa ǹ gɔn zizi la. Ǹ ba Dɛnaa Lawa guguru koe wa. Landa boon laanka sii yɔrɔ bɔ ǹ boon mɛnɛn nə ǹ wɔ baa, ǹ ba koe bɛn lɛ wa. Zakɔba mɛn bɛ́ Dɛnaa Lawa ná a tɔ kɔ mà Izirayeli, Dɛnaa Lawa goã á dí-pɛn laanka gɔn waa ǹ boon mɛnɛn kɔ bɛa nɛnyaanan kɛn la, ǹ ba koe bɛn dɔn lɛ wa.

Kiin2 5:20

Geazi lɛ, Lawa a min Yiliizee a dí-nyali lɛa, bɛ́ taasɛ kɛnɛn: «Maa dɛnaagiĩ bɛ́ á Siirii min Naaman kɛ lɛ toa walan nanaa, a giala, a da ka bǐɛ̃baa ǹ mànan mɛnɛn nɛ, maa dɛnaagiĩ nə́ n piã ǹ nɛ. Dɛnaa Lawa Yiikoonaa lɛ tɔ taman yii, masɛ n die koe a kio lɛ, ma wo màn si la.»

Loen 63:11

Toa ǹ nə ǹ dɛ ka gɔya sa nɛ; toa tolokan nə ǹ siĩ sɔ̃.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Loen 68:26

LOE-lɔlen man nyɛɛnɛ, bɛ̀ dɛ ǹ màn-dɛlen kɛn man kio, nɛlɔn man bii, ǹ nə́ maàn dii.

Loen 68:27

Ka mɛnɛn basa bɛ́ boe Izirayeli ni, ka n lɛsɔkɔn zɔ́n taman yii, ka barka da Lawa nɛ, ka barka da Dɛnaa Lawa nɛ.

Bɔ bɛ̀rɛbaa nɛ 23:13

«Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Suusun 5:16

N nyan toa bɛa mu lɛ baa si a soo kanaa hinlaa a wo pii-n wa.

Izayii 26:13

Dɛnaa Lawa, wɔa Lawa, mìinaa kɔsɔn nə́ goã wɔ mìi la. Sɛnɛ, wɔ nə n dinsɔɔ̃ guguru koe.

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Izayii 65:16

Gána lɛ gɔ́ɔ̃ nɛ, min woo min tá li a Lawa bǐɛ̃ bíi a din li, ǹ dɛnaa n bíi ka Lawa bɔlɔgoondɛnaa tɔ nɛ. Min woo min a n lɛ kɔ we tán la, a n die n liɛ ka Lawa bɔlɔgoondɛnaa tɔ nɛ. Dɛnaa Lawa pɛ: «Yiri á re boe ka lɛlɛ ǹ koen kɛn nɛ. Ǹ tá re papaɛ̃, ǹ nə n bɔ ma yɔrɔ-a.»

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 44:26

Sɛnɛ, kasɛn Zudaa minin kɛn giã-n Ezipti gána nɛ, ka n too kɔ Dɛnaa Lawa a boo kɛ li! Á ke, masɛ Dɛnaa Lawa, ma nə n liɛ ka ma tɔ gole kɛ nɛ: Ezipti gána tumaa nɛ, Zudaa min kɔn ba re masɛ tɔ pii wa. Min kɔn ba re pii doo: "Ka Dɛnaa Lawa, Lawa yiikoonaa tɔ nɛ wa".

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Lawa a wúlu-bɔlen 19:12

Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.

Misee 2:7

Zakɔba tɔrɔn lɛn, ka dinin da ǹ boo n ke sonbore? Ká mà Dɛnaa Lawa a sii simaa lɛ na á nya? Ká mà a nya ǹ dí n ka kɛ-n sonbore? Min mɛn bɛ́ tɔ pepere we, masɛ a boo lɛ a là lɛa bɛ ganaa wa?

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Zakarii 5:3

Lon a dia dí-a wole lɛ tɔn pɛ ma-n kɛnɛn: – Lɛn baraa mɛn bɛ́ re n bíi gána tumaa li, bɛ lɛ n ka kɛ nɛ. Sɛ́wɔ munii lɛ a yɔrɔ goon la, a n kiɛ̃ nɛ mà wurumu tumaa n die n lui ǹ nə n bɔ gána lɛ nɛ. A yɔrɔ goon kɛ dɔ la, a n kiɛ̃ nɛ mà min mɛnɛn bɛ́ n liɛ soɛ la, mà ǹ tá re bɛn dɔn lui ǹ nə ǹ bɔ gána lɛ nɛ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Minin nimi 24:7

Maǹ ka mu mɛn nə́ ke toɛ̃ dɛn nɛ, bɛ̀ á baa si a kaa da wurun ganaa sɔnbɔraa nɛ. Izirayeli minin lɛn kii á die boe Agaagi la. Ǹ gána á die pàã yii.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Zaã a sɛ́wɔ 4:24

Lawa n yiri màn lɛa, min yii a yii wa. Bɛ lɛ na á toa, min mɛnɛn bɛ́ a guguru koe, bɛn doamaa nɛ, ǹ na a guguru kɔ a yɔrɔ sonbore li, ka Lawa a Yiri Fu bɛ́ nyɛɛ ǹ nɛ lɔn.»

Rɔmu minin 2:17

A n lɔn kəni, nsɛ kɛ lɛ Zuifu tɔ nə n ganaa? Lawa a dí-pɛn tá ka li, n tá n gòãn koɛ bɛ la, n tá n din dɔ gole koe n Lawa a lɛa.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Rɔmu minin 9:8

Bɛ giala, mà goã mà goon ka Abrahamu-n bie min biɛ Lawa a nɛnyaan lɛa wa. Sɛnɛ, bɛ̀ min mɛn a yɛ nə n giala wɔ Lawa a lɛ kɔ ǹ sii ganaa, bɛa dɛnaa n Lawa a nɛnyaan lɛa.

Timəə dí-pɛn 10:20

Ka nyɛ́ɛ baa kaa Lawa, Dɛnaa Lawa yii ni, ka dí nya nɛ, ka n naa a din lɛ ganaa, ka n liɛ ka a din lɛ tɔ nɛ.

Timəə dí-pɛn 33:28

Izirayeli minin lɛn man là nyantoro la, n susui, Zakɔba tɔrɔn lɛn manə ǹ gɔrɔ. Ǹ bɛ́ re woe gána mɛn nɛ, *belee laanka rezɛ̃ gána nɛ, a giala, pele a gisĩ ǹ bǎã lɛ-n parsiini.

Timəə dí-pɛn 5:28

Ka boon mɛnɛn da ma nɛ, Dɛnaa Lawa nə́ ǹ ma. Á tɔ́n pɛ ma nɛ: «Zaman lɛ boon mɛnɛn da, má ǹ ma. Taãn tá ǹ lon, ǹ bɛ tumaa pɛ.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Timote1 4:2

Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.