Izayii 47:8 - LAWA A BOO SONBORE

⁸ Kanna kəni, n too kɔ kɛ li, nsɛ mɛn bɛ́ n din foo sii n kɔɔ̃nɛ n ganaa. Ma n giã-n tán kiĩni, n nə́ pii n gɔ́ɔ̃ nɛ: «Ma miã banban, min kɔn ba ka ma bɛ́ lɔn wa. Ma a giɔɔrɔ biɛ duduu wa. Maa nɛnyaanan ba bɔ̀n biɛ wa.»

LAWA A BOO SONBORE 2011

⁸ Kanna kəni, n too kɔ kɛ li, nsɛ mɛn bɛ́ n din foo sii n kɔɔ̃nɛ n ganaa. Ma n giã-n tán kiĩni, n nə́ pii n gɔ́ɔ̃ nɛ: «Ma miã banban, min kɔn ba ka ma bɛ́ lɔn wa. Ma a giɔɔrɔ biɛ duduu wa. Maa nɛnyaanan ba bɔ̀n biɛ wa.»

Izayii 47:8 ပူးပေါင်းရင်းမြစ်များ

Izayii 14:14

Ma á re dii labaran lalan, ma goã ka lon a Lawa bɛ́ lɔn.»

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Izayii 32:9

Lɔ din narɛɛ wolen lɛn, ka yoo ka n too kɔ ma lɛn li! Nɛlɔ din koa wolen lɛn, ka n too kɔ maa boo li!

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Zeremii 49:31

Ka yoo, ka wo tɔrɔ kɛn gialaa ǹ nə́ ǹ ba n taasɛ ka sii kɔn nɛ wa. Maǹ taasɛ mà ǹsɛn man yii-nyɛɛ gɔ́ɔ̃ nɛ. Dɛnaa Lawa a da ǹ boo ne. Goo ba ǹ kiɛnlɛn lɛ wa goo nɛ ba ǹ ganaa wa. Maǹ giã-n tiãlɛa.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Ezekieli 30:9

Bɛa pinaa kɛ lɛ nɛ, ma á re minin diɛ mu la ǹ goo ne, ǹ wo nyɛ́ɛ da Etiopii minin kɛn ganaa, ǹsɛn mɛnɛn bɛ́ taasɛ, mà ǹsɛn man là nyantoro la. Ezipti minin sii lɛ a pinaa, ǹ gɔ̀nɔn tá re bìn diɛ. Á ke, a lɛawaa á die.

Nahumu 1:10

Maǹ ka nyan da mɛn nə́ ke, we-n kɔn nɛ, ǹsɛn yɔ-mili baraan kɛn lɛn. Maǹ die kui lenlen ka buu gere bɛ́ lɔn.

Nahumu 3:4

Ninivu sii baraa zɛnaa á la yii ni. A siĩnbaa taman yii, a n ka kɔrɔbaali bɛ́ lɔn, minin yiri sii. A n ka dagòãdɛnaa bɛ́ lɔn, minin yiri sii. Bɛ lɛ taman yii, tɔrɔ gigiã ná a bɛ̀rɛ baa.

Abakuku 1:7

Maǹ kakaarɛ, nyɛ́ɛ diɛ. Ǹ dininmaan manə ǹ dí-pɛn koɛ, ka ǹ zɛnaa ǹ siin ni.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Sii yɔrɔ-bɔlen 18:27

Miikaa mànan mɛnɛn zɛnaa, ka wúlu-bɔle mɛn dɔ bɛ́ á goã a dí nyɛɛ, Dan tɔrɔn lɛn sɛn nə́ woo ka bɛn nɛ. Ǹ nə́ daa Layisi minin gialaa, bɛn mɛnɛn bɛ́ là nyantoro gɔ́ɔ̃ nɛ, ǹ yiri n bǎã goon ne. Ǹ nə́ Layisi minin lɛn dɛ, ǹ nə́ tɛ da ǹ kiwi lɛ ganaa.

Sii yɔrɔ-bɔlen 18:7

Giĩ min sooro lɛ woo Layisi kiwi. Min mɛnɛn bɛ́ giã-n walan, ǹ nə́ yɛ mà bɛn man yii-nyɛɛ gɔ́ɔ̃ nɛ, ka Sidɔn minin kɛn bɛ́ lɔn. Maǹ là nyantoro la, ǹ yiri n bǎã goon ne. Min kɔn goã gána lɛ gɔ́ɔ̃ nɛ, pàã n bɛ gɔn, a n fuu nyɛɛ ǹ nɛ ka yɔrɔ kɔn nɛ wa. Layisi minin lɛn bǎã goã sɔsɔɔ Sidɔn minin lɛn ganaa, ǹ sii goã min kɔn wɔ gɔ́ɔ̃-n wa.