Izayii 47:6 - LAWA A BOO SONBORE

⁶ Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

LAWA A BOO SONBORE 2011

⁶ Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Izayii 47:6 ပူးပေါင်းရင်းမြစ်များ

Samayeli2 24:14

Davida tɔ́n pɛ Gaadi ni: «Ma foo ziziɛ̃ á la yii ni. Dɛnaa Lawa dɔlɔ bɔ ma ganaa, bɛ á soɛ minbuiinin nə dɔlɔ bɔ ma ganaa nɛ, a giala Dɛnaa Lawa a makara-doɛ̃ á gole.»

KZS2 10:11

Ma di na á guĩ guguru da ka mìi ni? Masɛ n die màn diɛ a gugurubaa li doo! Ma di na á ka doroo ka sɛ̌n nɛ? Masɛ n die ka doree ka sɔsɔrɔ kiɛdɛnan nɛ!»

KZS2 28:9

Bɛa kiwi lɛ nɛ, Dɛnaa Lawa a boo gii-dali goon tan a tɔ n Odɛdi. Á woo n da Izirayeli a sɔraasin lɛn lɛ, bɛ̀ ǹ bɛ́ die Samarii. Á pɛ sɔraasin lɛn manɛ: «Dɛnaa Lawa, ka digolon Lawa foo na á goã yoo-n Zudaa minin li, bɛ lɛ nɛ á ǹ wɔ ka gɔn. Sɛnɛ, ka ǹ dɛ ka kakaarɛbaa nɛ á la yii ni, yǎa á dɔ lon.

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

KZS2 36:20

Gɔya sa bɛ́ á min mɛnɛn tumaa kaa bii, ǹ nə́ bɛn goa ǹ nə́ woo ǹ ne Baabilonii. Bɛn man a din laanka a nɛgiĩn bɛ̀rɛn lɛa, yǎa Pɛrsin kii daa pàã saa.

Ɛsidrasi 5:12

Sɛnɛ, wɔsɛn digolon lɛn bɛ́ ǹ nə́ lon a Lawa foo yoo, a na á ǹ wɔ *Baabilonii gána a kii, Nebukadenezɔɔrɔ kɛ gɔn. Bɛ́ kion lɛ wuru, á zaman lɛ goa á woo ne bɛ̀rɛbaa ǹ bǎã nɛ, Baabilonii gána nɛ.

Loen 69:26

Toa ǹ giã ǹ bǎã ziziɛ̃, min din baran goã ǹ kionən ne wa.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 13:16

Ǹ tá re ǹ nɛnyaan tiɛɛ̃nɛn tɔtɔrɛ ǹ dinin yii ni, ǹ nə ǹ kion gɔ̀ɔ̃ mànan kokoo, ǹ giã kun ǹ lɔn nɛ ka pàã nɛ.

Izayii 14:17

A din lɛ bie á goã tán bɔyɛɛ biɛ diə gole lɛa, kiwin yui, n piɛ̃ ka kòso nɛn kaa-n wa ya.»

Izayii 14:6

Bàlà kɛ lɛ na á goã tɔrɔn dii biikoo tumaa li, ka foo-yoo gole ne, ǹ yɔyɔrɛ, nɔmaa diɛ ǹ mìi ni.

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Busii pɛ 1:14

A yii tá maa sii baraan tumaa ganaa a yɔrɔ-a. Á ǹ kaa kun á ǹ yii, á ǹ kaa ma mìi ni. Ǹ gugurubaa kaa ma la. Dɛnaa Lawa ma pàã kiɛɛrɛ kɔ, á ma wɔ minin gɔn, ma bɛ́ ma a boe la ma yɔ bɔ kɔn ka ǹ mɛnɛn nɛ wa.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 4:16

Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

Busii pɛ 5:12

Ǹ dininmaan nə́ kiwi lɛ a nyɛɛnaandɛnan tɛnɛn bɔlɔ yu. Ǹ min golen guguru kɔ wa.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ezekieli 28:16

N pii-kɔ lɛ bɛ́ á gole kɔ, kakaarɛbaa la n yii ni, ń nɔmaa ń sii baraa zɛnaa. Bɛ lɛ n ke ma á n diɛ kun ka min kooron ne, n wɔlɔ ń lui-n Lawa a kele kɛ ganaa. Nsɛ lon màn yiikoonaa minin-tamaali lɛ, ma á re n lui, ma n bɔ kɔlɔ tɛ-pɛlen kɛn bii.

Abdiasi 1:10

Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

Abdiasi 1:16

Kasɛn Izirayeli minin kɛn, ká ma gɔn lɛ yɛ maa kele sonbore kɛ la. Man die boe tɔrɔ kɔsɔn lɛn dɔn yii-n miɛ̃ duduu. Ma gɔn tá re miɛ̃ ǹ ganaa, á re doe ǹ yii li. Min din ba re doɛ̃, mà ǹ nə́ goã ǹ tan wa.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Timəə dí-pɛn 28:50

Tɔrɔ yɔrɔ babaraan manɛ, ǹ ba min gole guguru koe wa, ǹ ba nɛnyaan makara doɛ̃ wa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.