Izayii 47:13 - LAWA A BOO SONBORE

¹³ Ń nɔmaa doroo damata gɔn. Min mɛnɛn bɛ́ giɛ lon gɔ̀nɔn ganaa, ǹ nə́ lieren siin yɔrɔ pii, siin mɛnɛn bɛ n zɛnɛɛ mui li mui li, bɛ̀ ǹ bɛ pɛ n nɛ, ǹ kiɛ̃ ǹ da n kirisibaa kəni!

LAWA A BOO SONBORE 2011

¹³ Ń nɔmaa doroo damata gɔn. Min mɛnɛn bɛ́ giɛ lon gɔ̀nɔn ganaa, ǹ nə́ lieren siin yɔrɔ pii, siin mɛnɛn bɛ n zɛnɛɛ mui li mui li, bɛ̀ ǹ bɛ pɛ n nɛ, ǹ kiɛ̃ ǹ da n kirisibaa kəni!

Izayii 47:13 ပူးပေါင်းရင်းမြစ်များ

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Izayii 47:15

N nə́ n din nɔmaa ka gɔn nɔɔ nɛ bɛa minin lɛn li, a kũ n tenmaa waáraa ganaa. Ǹ bɛ́ màn mɛn lɛa n gɔn kanna kəni, bɛ n ke: Kanna, maǹ woe paǹ tumaa li, ǹ kɔn ba boe la a n kirisibaa wa.

Izayii 47:9

A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

Izayii 57:10

Ma nə́ n tɔ wɔ á la yii ni, bɛ lɛ na á n nɔmaa. Sɛnɛ, n pɛ dɔn mà «kɛ là banban wa.» N pàã dii yɛ, n nə́ n nɔmaa lɛ sawaa nɛ.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Zeremii 51:58

Dɛnaa Lawa Pàãyiidɛnaa n kɛ pii: Kungɔn dadaran mɛnɛn bɛ́ Baabilonii lɛnpɛnɛ, bɛn tumaa ziziɛ̃. Tɛ á re kiɛnlɛ sɔsɔrɔn kɛn kuĩ. Tɔrɔn manə n dinin nɔmɛɛ kooro, gánan man dí nyɛɛ tɛ nɛ!

Zeremii 51:64

A pɛ: «Baabilonii n die papaɛ̃ kɛa yɔrɔ kɛ lɛ la. Dɛnaa Lawa bɛ́ re koen mɛnɛn diɛ la, a re yui bɛ kɔn kio doo wa.» «Zaman lɛ á re papaɛ̃.» Zeremii a boon manə n lɛ doɛ kànaa.

Ezekieli 24:12

Soe mɛn goã fɔlɔ donkolon lɛ nɛ, ǹ nə́ bɔ ka yɔrɔ yii ni ǹ nə́ fɔ̃ a baalɛ, tɛ dɔ din boo la á bɔ wa.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?