Izayii 47:1 - LAWA A BOO SONBORE

¹ Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

LAWA A BOO SONBORE 2011

¹ Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Izayii 47:1 ပူးပေါင်းရင်းမြစ်များ

Zɔbu 2:13

Ǹ nə́ giã tán Zɔbu li lɛawaa sɔbaa ka tèlò sɔbaa, boo goon ná a ba n diɛ ǹ la wa. A giala, ǹ nə́ yɛ mà Zɔbu a là-paparɛɛ lɛ gole kɔ, á la yii ni.

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Loen 18:27

Bɛ̀ min mɛn nə́ n gɔ́ɔ̃ kaa n nɛ, n dɔ nə n gɔ́ɔ̃ kiɛ bɛa dɛnaa nɛ. Sɛnɛ, bɛ̀ min mɛn nə́ n gɔ́ɔ̃ tii n-a, n dɔ nə ǹ dɛnaa kuĩ a gɔ́ɔ̃ tìbaa li.

Loen 89:44

Haalɛ, ń ná a ziabaa ǹ mànan lɛn ziziɛ̃ dinin, n nə n dɔ lɛ zia lɛ gɔ́ɔ̃-n wa.

Izayii 13:1

*Baabilonii minin boo gii, Amɔsi a nɛgiĩ Izayii nə ǹ mɛn lɛ yɛ sii-nyaa nɛ:

Izayii 13:13

Bɛ lɛ nɛ, Dɛnaa Lawa Pàãyiidɛnaa a foo-yoo kɛa pinaa, a foo-yoo gole kɛa pinaa, lon laanka tán tá re bìn diɛ.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 21:1

Diə gole mɛn bɛ́ kunu yìsi mu ganaa, bɛa boo gii: Zɔ́ɔ n boe diə gole ne. Gána mɛn bɛ́ nyɛ́ɛ diɛ, a n boe walan. A n ka piɛ̃ gole bɛ́ lɔn, boe Negɛvu gána nɛ.

Izayii 23:12

Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

Izayii 26:5

Min mɛnɛn bɛ́ giã-n kele mìin ni a n bɛn boe ǹ kiɛ. Kiwi mɛn bɛ́ tamaa nɛ, a n bɛ ziziɛ̃. An noɛ̃ á zũ tán furu-n, a zũ gusuũ li.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 37:22

Á ke, Dɛnaa Lawa n kɛ pii Senankeribu a paǹ li: N tìĩ bɔ *Siɔn kiwi ni, a n yaa we n ganaa. Zeruzalɛmu kiwi nə n mìi papasɛ n ganaa.

Izayii 52:2

Gusuũ mɛn nə n kɔ n lɛ, bɛ duduu n bɔ n ganaa. Zeruzalɛmu, yoo, n giã tán! Siɔn, kòso nɛ, zɔrɔka bɔ n bɔ n bɔlɔ-a!

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 46:11

Ezipti minin, ka yoo ka wo Galaati gána nɛ, ka ga nyɔɔ li, ka lɔ kaa busulɛn ganaa. Sɛnɛ là ba a ganaa ka dagòã gigiã si kooro wa. Kaa busulɛn lɛn ba nyɛɛ wa.

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Zeremii 50:1

Dɛnaa Lawa boo mɛn da Lawa a boo gii-dali Zeremii ni *Baabilonii kiwi a paǹ li ka Baabilonii gána nɛ:

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 51:1

Dɛnaa Lawa n kɛ pii: Sonbore, man die yui ka piɛ̃ gole ne, *Baabilonii kiwi laanka a minin ganaa.

Zeremii 51:33

Dɛnaa Lawa Pàãyiidɛnaa, Izirayeli a Lawa n kɛ pii: Baabilonii doobaan lɛ yɔyɔrɛ ka *belee duwəə ǹ bǎã bɛ́ lɔn. Kànaa ka boɛɛnɛ, asɛ a kaa-piɛ dɔ.

Zeremii 51:51

Wɔ bɛ́ wɔ́ sɔ kɔn kɛn ma, sìi wɔ kũ. Tiin bɛ́ ǹ nə́ kaa Dɛnaa Lawa a kion a bǎã sonbore kɛ nɛ, sìi na á n kɔ wɔ lɛ.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Busii pɛ 4:5

Min mɛnɛn nə goã màn kɔɔ̃n bii, bɛn man giɛ̃ tán zii mìi ni. Min mɛnɛn nə too naforo gɔ́ɔ̃ nɛ, bɛn man yisi gugusi ka ǹ gɔn nɛ.

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Ezekieli 28:17

Ma n nə́ n din gole kɔ n siĩnbaa kɛ taman yii, Ń toa n siĩnbaa lɛ nə́ n sii-doɛ̃ kɛ ziziɛ̃, man die n lui ma n dia tán, man die sìi diɛ n ganaa, n miã kiin yɔrɔ-a.

Zonaasi 3:6

Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Zakarii 2:7

Lon a dia dí-a wole mɛn bɛ́ boo diɛ ma nɛ, a bɛ́ á n zɔ̃ á die, lon-a dia dí-a wole kɔsɔ daa n da lɛ,

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»