Izayii 46:9 - LAWA A BOO SONBORE

⁹ Ka n yiri kɔ ka sii bibinaan kɛn nɛ, ǹ mɛnɛn nə n zɛnaa lɛlɛ. Ma din ni Lawa lɛa, kɔsɔ banban. Ma din ni Dɛnaa Lawa lɛa, min kɔn ba ká masɛ bɛ́ lɔn wa.

LAWA A BOO SONBORE 2011

⁹ Ka n yiri kɔ ka sii bibinaan kɛn nɛ, ǹ mɛnɛn nə n zɛnaa lɛlɛ. Ma din ni Lawa lɛa, kɔsɔ banban. Ma din ni Dɛnaa Lawa lɛa, min kɔn ba ká masɛ bɛ́ lɔn wa.

Izayii 46:9 ပူးပေါင်းရင်းမြစ်များ

Zɔbu 10:13

Sɛnɛ, sii mɛn goã durii ni n gɔ́ɔ̃ nɛ, a din lɛ n ke. Sii mɛn goã n taasiɛ nɛ, ma á doɛ̃:

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 8:10

Ǹ nə́ ǹ geren goa ka giãgiãgiã. A gìĩ na á goã boe gána lɛ paǹ tumaa ganaa.

Bɔ bɛ̀rɛbaa nɛ 9:14

A giala, kanna kəni, man die maa dɔlɔ siin lɛn tumaa yɔrɔ diɛ n dinmaa dɔ la, ka n kiodɛnan nɛ, ka n gána minin ni, màn mɛn bɛ́ toɛ, n dɔ̃ mà min kɔ́n ba tán la, á n zoɛ̃ kɔn ka masɛ Lawa-n wa.

Izayii 41:26

Die na á bɛ pɛ wɔ nɛ a giala-kɔ li, mà wɔ dɔ̃? Die na á n gɔn waa wɔ-n lɛlɛ, mà wɔ pɛ mà sonbore ne? Ka bii min kɔn màn kɔn pɛ wa. Min kɔn nə n lɛ bũ wa. Min boo kɔn din ma ka lɛ-n wa.

Izayii 41:27

Ma din Dɛnaa Lawa n má a boo da *Siɔn bibinaa nɛ, má maa dia dí-a wole dia Zeruzalɛmu máa a wo boo tii kɔɔ̃n pɛ.

Izayii 42:9

Á ke, sii bibinaan nə́ n zɛnaa ǹ nə́ kiɛ̃. Kanna, man sii soreen boo diɛ. Ma nə ǹ pii ka nɛ, ǹ laan bɛ̀ ǹ nə n zɛnaa.»

Izayii 43:10

«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 46:5

Ka ǹ boe la ka ma zɔ́ɔ̃ kɔn ka die ne? Ka ǹ ma biɛ goon ka die ne? Ka ǹ ma zoɛ̃ kɔn ka die ne mà wɔ goã goon?

Izayii 48:3

«Sii bibinaan kɛn, má ǹ boo da ka nɛ haalɛ bibi, má a boo da ka nɛ, ka ma. Bǎã goon ne, má siin zɛnaa, ǹ nə́ yɔrɔ dɔ yɛ.

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Zowɛli 2:27

Ka á re doɛ̃, mà ma tá kun ka Izirayeli minin lɛn nɛ. Ka á re doɛ̃, mà masɛ, Dɛnaa Lawa din nə kaa Lawa lɛa, mà miã na á banban. Sìi á re maa zaman kɛ kuĩ doo duduu wa.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Timəə dí-pɛn 32:7

Ka n yiri kɔ ka lɛlɛ siin lɛn nɛ, ka n taasɛ ka lɛ̀n kɛn nɛ ǹ nə́ kiɛ̃. Ka nɔ̀n da kaa díin la, ǹ tá re a yɔrɔ pii ka nɛ, ka nɔ̀n da kaa min golen la, ǹ tá re pii ka nɛ.

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.