Izayii 46:4 - LAWA A BOO SONBORE

⁴ Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

LAWA A BOO SONBORE 2011

⁴ Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Izayii 46:4 ပူးပေါင်းရင်းမြစ်များ

Loen 48:14

A kungɔn ke, ka n taasɛ bɛ ganaa, ǹ màn mɛn dɔ ǹ nə́ tamaa nɛ, ka ga bɛ ganaa, ka á re boe la, ka a laakalaa kaa nɛnyaanan manɛ:

Loen 68:19

Á dii lon, á minin kũ kòso nɛn lɛa. Minin nə́ gɔ ka màn gigiã nɛ, haalɛ a lɛ-tiilin dinin, màn mɛn bɛ́ toɛ, ǹ giã kun ka Dɛnaa Lawa nɛ.

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Loen 71:9

Kanna má zizi kɔ, n baran ma daa wa. Ma pàã bɛ́ nyɛɛ, n baran n gɔn bɔ ma ganaa wa.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Izayii 41:4

Die na á bɛ tumaa zɛnaa? Min mɛn bɛ́ kanaa a tɔrɔn koɛ, bɛ nɛ. Ma din Dɛnaa Lawa nɛ. Ma din ni sii tumaa giala kɔ lɛa. A wo kaa ǹ giala-nyɔmɔɔ lɛ, ma din Dɛnaa Lawa-n doo.

Izayii 43:13

Man ma tan Lawa lɛa duduu, Min kɔn ba boe la a min si ma gɔn wa. Bɛ̀ má sii mɛn zɛnaa, min kɔn ba boe la a bɔyaa wa.»

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 48:12

Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

Malakii 2:16

Dɛnaa Lawa, Izirayeli a Lawa pɛ: «Ma soɛ̃ n ka gòã li ǹ lɔ loo ne, ka min mɛn bɛ́ kakaarɛbaa zɛnɛɛ. Dɛnaa Lawa Pàãyiidɛnaa na á pɛ miɛ̃. Ka yiri bɔ ka dinin li, ka nyan wusoo kaa lɛ kɔn boon kio wa.»

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Timəə dí-pɛn 1:31

ka diə gole kɛ dɔ gɔ́ɔ̃ nɛ. Ka dinin bɛ́ ká yɛ. Ka zii tɔ mɛn tumaa wɔ ká tɔ́n dɔ bǎã kɛ lɛ nɛ, kaa Lawa, Dɛnaa Lawa lɛ na á ka tamaa bɛ gɔ́ɔ̃ nɛ, ka min bɛ́ a nɛgiĩ siɛ, bɛ̀ a tamaa a kolo-n lɔn.»

Ebrəə 1:12

N tá re ǹ muni ka dɔnkɛ bɛ́ lɔn, n tá re ǹ lonkoe ka mɔnaa bɛ́ lɔn. Sɛnɛ, nsɛ n die goɛ̃ miɛ̃ n din lɛa, n nyin ba re nyɛɛ wa.»

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.