Izayii 45:4 - LAWA A BOO SONBORE

⁴ Maa dí-nyali Izirayeli kɛa lɛa, ka Zakɔba kɛ nɛ má bɔ má koa, má nsɛ Siirusu bíi ka n tɔ nɛ. Má gugurubaa kɔ n la, a da yaa dɔn dinin n ba ma doɛ̃ wa.

LAWA A BOO SONBORE 2011

⁴ Maa dí-nyali Izirayeli kɛa lɛa, ka Zakɔba kɛ nɛ má bɔ má koa, má nsɛ Siirusu bíi ka n tɔ nɛ. Má gugurubaa kɔ n la, a da yaa dɔn dinin n ba ma doɛ̃ wa.

Izayii 45:4 ပူးပေါင်းရင်းမြစ်များ

Loen 105:6

Ka zɛnaa miɛ̃, kasɛn kɛn lɛn Lawa din a dí-nyali Abrahamu tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Loen 136:22

Á kɔ a dí-nyali Izirayeli la, a kɔn-narɛɛ a nyɛɛ duduu wa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Izayii 44:1

Kanna kəni, n too kɔ, maa dí-nyali Zakɔba, Izirayeli, nsɛ mɛn bɛ́ má n yii gɔgɔɔ̃.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Marki 13:20

Bɛ̀ wɔa Dɛnaa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, Lawa min mɛnɛn yii gɔgɔɔ̃ a din wɔn lɛa, a n die màn boe ǹ lɛ, bɛn lɛn taman yii.

Nya ǹ dín 17:23

Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Rɔmu minin 11:7

Wɔ n die pii mà wàa kəni? Izirayeli tɔrɔ lɛ bɛ́ á goã giɛ màn mɛn li, a bɛ yɛ wa. Lawa din boɛɛn mɛn bɔ, bɛn nə́ yɛ, gialakunun kɛn sɛn nə boo la, ǹ ná a giala ma wa.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.