Izayii 45:25 - LAWA A BOO SONBORE

²⁵ Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

LAWA A BOO SONBORE 2011

²⁵ Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 45:25 ပူးပေါင်းရင်းမြစ်များ

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

KZS1 16:13

Ka zɛnaa miɛ̃, kasɛn kɛn lɛn Lawa din a dí-nyali Izirayeli tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Loen 22:23

Ma á re n boo diɛ ma dɔɔ̃nɔn manɛ. Ma á re n tɔ boe zaman bii.

Loen 64:10

Bɛ á re nyɛ́ɛ diɛ min tumaa ganaa. Ǹ tumaa á re Lawa a nya ǹ dín laakalɛɛ, ǹ nə ǹ giala ma.

Izayii 26:2

Ka kiɛnlɛn bũ! Tɔrɔ mɛn bɛ́ Lawa bɔlɔ sii, a n bɔlɔgoondɛnaa lɛa ka toa bɛ wɔ!

Izayii 28:5

Bɛa pinaa kɛ nɛ, Dɛnaa Lawa Pàãyiidɛnaa a zaman mɛn yii goã koo, a dinmaa n die n biɛ kii bafolo lɛa, gii giɔ̀mɔ kaka lɛa bɛn wɔ lɛa.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 45:19

Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 50:8

Dɛnaa Lawa n mɔrɛɛ-n ma ganaa, asɛ mɛn bɛ́ sonbore koe ma la. Die yii n we a kiri wɔ ma ganaa? Wɔ n ta kiri wɔ ǹ bǎã-n kəni. Die n li a ma zɛ̀rɛ baa? Ǹ dɛnaa nə n zɔ̃ a dɔ ma li.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Izayii 65:23

Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Zeremii 33:16

Bɛa waáraa, Zudaa gána á re goɛ̃ a din gɔn wìi a lɛa, Zeruzalɛmu minin yiri á re goɛ̃ bǎã goon ne. Zeruzalɛmu tɔ n die goɛ̃: "Dɛnaa Lawa n wɔ kirisibaali lɛa".

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Nya ǹ dín 13:39

Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Korɛnti1 1:31

Bɛ lɛ a lɛa nɛ, ǹ nə́ kiɛ̃ Lawa a sɛ́wɔ nɛ: «Bɛ̀ min mɛn tá zoɛ̃ mà a n din koa, a n din koa ka Dɛnaa a sii-zɛnaa nɛ.»

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Korɛnti2 10:17

Ká Lawa a sɛ́wɔ bɛ́ á pɛ lɔn: «Bɛ̀ min mɛn tá zoɛ̃ mà a n din koa, a n din koa ka Dɛnaa a sii-zɛnaa nɛ.»

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 6:14

Masɛ yii li, din laakalaa ǹ mìi kɔsɔ banban, á kiɛ̃ wɔa Dɛnaa Yezu Krita a dere ǹ gɔn kɛ la wa. Bɛ lɛ pàã ganaa, kanaa gã masɛ yii li, masɛ dɔ gã kanaa yii li.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.