Izayii 45:23 - LAWA A BOO SONBORE

²³ Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

LAWA A BOO SONBORE 2011

²³ Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 45:23 ပူးပေါင်းရင်းမြစ်များ

Siin Giala 31:53

Abrahamu laanka Nahɔɔrɔ a Lawa, ka digolon lɛn Lawa lɛ die a kiri kuru wɔ bii.» Zakɔba nə́ n liɛ ka Lawa nɛ, ǹ di Izaaki bɛ́ nyɛ́ɛ biɛ Lawa mɛn lɛ nɛ.

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Loen 132:2

Davida na á n liɛ Dɛnaa Lawa nɛ, á n lɛ kɔ Zakɔba a Lawa Pàãyiidɛnaa la, á pɛ kɛnɛn:

Loen 63:11

Toa ǹ nə ǹ dɛ ka gɔya sa nɛ; toa tolokan nə ǹ siĩ sɔ̃.

Loen 98:2

Dɛnaa Lawa nyaa kanaa tumaa yɔrɔ-a, mà asɛ din nə wɔ kirisibaali lɛa, á ná a peperebaa nyaa.

Izayii 21:17

A kiɛ-bɔlen zanbian mɛnɛn bɛ́ re goɛ̃ Kedaara a nɛnyaanan bii, ǹ ba re tɛ koe wa.» Dɛnaa Lawa, Izirayeli a Lawa boo mɛn pɛ, bɛ n ka kɛ nɛ.

Izayii 45:19

Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Izayii 49:18

N mìi saa lon, n ga n paran li. N nɛnyaanan tumaa nə́ n sɔkɔn, maǹ die n din li. Dɛnaa Lawa a da ǹ boo á ke: Maa yiikoonaabaa taman yii ǹ tá re n biɛ n wɔ lɛa ka bɔlɔ-a ǹ gii bɛ́ lɔn, ka bɔsɔ-n gii bɛ́ lɔn lɔ wɔsiɛ n diɛ.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 61:11

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 65:16

Gána lɛ gɔ́ɔ̃ nɛ, min woo min tá li a Lawa bǐɛ̃ bíi a din li, ǹ dɛnaa n bíi ka Lawa bɔlɔgoondɛnaa tɔ nɛ. Min woo min a n lɛ kɔ we tán la, a n die n liɛ ka Lawa bɔlɔgoondɛnaa tɔ nɛ. Dɛnaa Lawa pɛ: «Yiri á re boe ka lɛlɛ ǹ koen kɛn nɛ. Ǹ tá re papaɛ̃, ǹ nə n bɔ ma yɔrɔ-a.»

Zeremii 22:5

Sɛnɛ, bɛ̀ ka n too kɔ maa boon lɛn li wa, maa da ǹ boo á ke: Ma nə n liɛ, masɛ Dɛnaa Lawa, ka maa Lawa baa nɛ, kii kion kɛ á re kɛbɔlɔ biɛ.»

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 49:13

Man liɛ kɛ we, ma din Dɛnaa Lawa: Bosraa kiwi kɛ á re kɛbɔlɔ biɛ, a diə gole baa. Ǹ tá re biɛ sii a kɔnboe lɛa lɛn baraa bíi a paǹ li hinlaa bɛ̀ ǹ tá li ǹ sìi da min ganaa. A lɛkoro lɛ-a kiwin kɛn tá re kɛbɔlɔn biɛ, yǎa duduu. Dɛnaa Lawa a da ǹ boo ne.»

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Rɔmu minin 11:4

Sɛnɛ, Lawa na á pɛ nɛ mà wàa? Mà asɛ min duu sɔbaa (7 000) bɔ, á ǹ koa a wɔn lɛa, ǹ kɔ́n ná a tɔn nə n musin kuruməə tán *Baali dì kɛ yɔrɔ-a wa.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Filipi minin 2:10

ń giɛ màn mɛn tumaa bɛ́ lon, ka tán nɛ, ka tán giulun ni, ǹ tumaa kaa tán, ǹ Yezu tɔ lɛ guguru kɔ.