Izayii 45:21 - LAWA A BOO SONBORE

²¹ Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

LAWA A BOO SONBORE 2011

²¹ Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 45:21 ပူးပေါင်းရင်းမြစ်များ

Loen 26:7

ma barka da n nɛ minin nə ma, ma n sii dadaran kɛn tumaa kalaa ǹ ma.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Loen 96:10

Ka pɛ tɔrɔ tumaa nɛ: Dɛnaa Lawa lɛ n kii lɛa, bɛ lɛ nɛ kanaa lɛ á golee ne, a ná a ba talɛɛ wa. Dɛnaa Lawa lɛ n kiri we minin-a, ka peperebaa nɛ, a ba bɔkɔnlɛ we wa.

Izayii 19:20

Bɛ n die sii a kɔnboe biɛ, a n siére lɛa, nyɛɛ mà Dɛnaa Lawa Pàãyiidɛnaa tan Ezipti gána nɛ. Bɛ̀ Ezipti minin nə́ n lɛ dɛ Dɛnaa Lawa ganaa mɛnaa ma la wolen kɛn taman yii, Dɛnaa Lawa á re kirisibaali diɛ ǹ la, a ǹ si a ǹ kaa.

Izayii 41:26

Die na á bɛ pɛ wɔ nɛ a giala-kɔ li, mà wɔ dɔ̃? Die na á n gɔn waa wɔ-n lɛlɛ, mà wɔ pɛ mà sonbore ne? Ka bii min kɔn màn kɔn pɛ wa. Min kɔn nə n lɛ bũ wa. Min boo kɔn din ma ka lɛ-n wa.

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 43:9

Zaman tumaa nə n lɛ sɔkɔn! Tɔrɔn tumaa nə n lɛ sɔkɔn! Sii mɛn bɛ́ n zɛnɛɛ, die n boe la a yɛ ǹ bii, a bɛ pɛ? Sii mɛn nə n zɛnaa lɛlɛ á kiɛ̃, die n boe la a bɛ pɛ wɔ nɛ? Bɛ̀ ǹ tá li ǹ nyaa mà sonbore tá ǹ lon, ǹ da ka ǹ siéren ne! Sieren lɛn nə pɛ mà «Taãn nɛ!»

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Izayii 48:14

Ka tumaa nə n sɔkɔn, ka n too kɔ! Die n ka bii á bɛa boon kɛn da. Dɛnaa Lawa bɛ́ min mɛn narɛ, a bɛ́ li mà a sii mɛn zɛnaa *Baabilonii ni, asɛ n die bɛ zɛnɛɛ, á n die n pàã nyɛɛ Kaldee minin manɛ.

Izayii 48:3

«Sii bibinaan kɛn, má ǹ boo da ka nɛ haalɛ bibi, má a boo da ka nɛ, ka ma. Bǎã goon ne, má siin zɛnaa, ǹ nə́ yɔrɔ dɔ yɛ.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Zakarii 14:7

Ǹ kɔn pinaa, Dɛnaa Lawa dinsɔɔ̃ n bɛ doɛ̃, lɛawaa n die goɛ̃ a tan duduu. Min ba re lɛawaa a bɔ kɔnlɛ doɛ̃ ka tèlò-n wa. Haalɛ wasamiɛ̃nɛ, wɔlɔ n tɛ pii.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»