Izayii 45:14 - LAWA A BOO SONBORE

¹⁴ Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

LAWA A BOO SONBORE 2011

¹⁴ Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 45:14 ပူးပေါင်းရင်းမြစ်များ

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Samayeli2 21:20

Zia kɔsɔ dɔ́ yɛ Gaati kiwi. Giĩ sasa gegere goon goã walan, zawaa lɛa. Gòon sɔsɔrɔ na a gɔnɔn ganaa, sɔsɔrɔ na a gòãn ganaa. Ǹ tumaa a kaa kun nə fuəwensii. A dɔ na á goã Harafaa tɔrɔ lɛa.

Zɔbu 1:15

Sabaa minin nə́ daa kaa ǹ bii, ǹ nə́ n dí-nyalin kɛn dɛ, ǹ nə́ tɔɔn lɛn loo, ǹ nə́ kiɛ̃ ǹ nɛ. Masɛ dinsɔɔ̃ n ke, má baa si má la, má daa a boo da n nɛ.»

Zɔbu 11:19

N tá re wɛɛ tán, min kɔn ba re die n susui sàabiɛ wa. Min gigiã á re die n mɛ boe n nɛ.

Loen 149:6

Ka n lɛn saa lon, ka barka da Lawa nɛ, gɔya sa lɛ paanan bɔle kɛ ń ka gɔn.

Loen 149:8

Ka ǹ gánadɛnan yii ka zɔrɔka nɛ, ka ǹ kiin lɛn yii ka fɔlɔ biɛn nɛ.

Bɔ bɛ̀rɛbaa nɛ 11:8

Bɛa biikoo li kəni, a kiodɛnan kɛn lɛn tá re die ma ganaa, ǹ kaa tán ma yɔrɔ-a, ǹ pɛ: «Soo, n laanka zaman kɛ lɛ tumaa nɛ n kio. Ma á re soe fufuu.» Muizu foo bɛ́ yoo-n parsiini, á soo á n bɔ Faarahɔn li.

Izayii 10:33

Á ke, Dɛnaa Lawa Pàãyiidɛnaa n da gùrùn yiyiɛ ka pàã nɛ, a n da lɛwɔnɔn yiyiɛ, a n da sɔsɔrɔn woɛ̃ ǹ naɛ tán.

Izayii 18:1

Ebe, gána goon tan Etiopii tàn kio nyàa kan wuu n boe a nɛ.

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 19:21

Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 19:22

Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Ezekieli 23:42

Zaman gole a sɛ̀-pɛ lɛ goã boe ǹ li, ǹ foo yii ń kɔɔ̃nɛ. Min gigiã dɔ́ bɔ diə gole kɛa bǎã tumaa nɛ, ǹ nə́ daa kaa kun ka zaman lɛ nɛ. Ǹ nə́ zanan kaa dɔɔ̃nlɔ min paa lɛ gɔn wìin ganaa, ǹ nə́ kii bafolo wɔ ǹ gogoonmaa mìi-a.

Ezekieli 31:3

Á ke Asiirii na á goã ka Liban da kaka kɛ bɛ́ lɔn, A gùrùn nə́ siĩni, luu lɛa ka kɛkɛ, a wúlu ná a tan. A na á goã sasa taãn-taãnɛ, a mìi la woo n doa labaran ganaa.

Minin nimi 13:32

Ǹ goã ǹ nə́ woo ga gána mɛn lɛ-a, ǹ nə́ tɔ́n bɔ ǹ nə́ mɛ bɛ piɛ̃-bɔ la, Izirayeli minin lɛn yɔrɔ-a ǹ nə́ pɛ: «Wɔsɛn nə gána mɛn lɛ kɔ kɔn wɔ́ ga a ganaa, a na a minin bii.

Korɛnti1 14:25

Sii-durii mɛn bɛ́ a foo ne, bɛ á re yii kanaa. Á re n mìi kumii tán, a Lawa guguru kɔ, a pɛ: «Lawa á ka bii taãn-taãnɛ.»

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.