Izayii 45:11 - LAWA A BOO SONBORE

¹¹ Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

LAWA A BOO SONBORE 2011

¹¹ Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

Izayii 45:11 ပူးပေါင်းရင်းမြစ်များ

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Izayii 19:25

Dɛnaa Lawa Pàãyiidɛnaa n die barka diɛ ǹ ganaa a pɛ: «Man barka diɛ maa zaman Ezipti ganaa, ka Asiirii mɛn bɛ́ má zɛnaa ka ma gɔn nɛ, ka Izirayeli gána kɛ nɛ maa wɔ lɛa.»

Izayii 29:23

A giala, ma bɛ́ re sii mɛn zɛnɛɛ ǹ bii, ǹ dinin laanka ǹ nɛnyaanan tá re bɛ yii. Ka bɛ-n kəni, ǹ tá re ma tɔ boe. Ǹ tá re doɛ̃ mà Zakɔba a Lawa kɛ á sonbore, ǹ tá re nyɛ́ɛ biɛ Izirayeli a Lawa kɛ yii ni.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:15

Ma din ni Dɛnaa Lawa lɛa, kaa Lawa sonbore lɛa, Izirayeli a diɛ wole lɛa, kaa kii lɛa.»

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 45:10

Min mɛn bɛ pii a díi ni: «Wàa mɛn nɛ tɔrɔ n ke n yɛ?» Hinlaa a n pii a náa nɛ: «Wàa mɛn nɛ tɔrɔ n ke ń yɛ ń da kanaa?» Bɛa dɛnaa wɔ n ka bɔ̀n nɛ.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Izayii 64:8

Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Ezekieli 39:7

Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ.

Ozee 12:4

Á n toa ǹ dan gɔ́ɔ̃ nɛ á ǹ dɔɔ̃n lɛ a bǎã si. A bɛ́ á gole kɔ, á yɔ bɔ kɔn Lawa nɛ.

Marki 11:24

Bɛ lɛ na á toa ma á pii ka nɛ: Bɛ̀ ka á màn mɛn nyankoe Lawa lon, ka golee li ka á re yii, bɛa màn lɛ á die n koe ka la.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Zozoe 10:12

Dɛnaa Lawa bɛ́ á Amɔɔrɔ tɔrɔn lɛn wɔ Izirayeli minin lɛn gɔn ǹ mɛn pinaa, Zozoe boo da Dɛnaa Lawa nɛ, á pɛ Izirayeli minin lɛn yɔrɔ-a: «Wasa, golee Gabawɔ̃ lalan, nsɛ mui dɔ, golee Ayalɔn a nyankɔrɔ basa kɛ lalan!»

Sii yɔrɔ-bɔlen 16:23

Ǹ kɔn pinaa, Filisiti minin kiin lɛn nə́ n lɛ sɔkɔn. Ǹ dì Dagɔn kɛ lɛ ǹ lawa lɛa, ǹ nə́ *wúlu màn gole kɔ bɛ la, ǹ nə́ n nyɛnyɛɛ. N nə́ goã loe loe kɛnɛn: wɔa lawa na á wɔa zɔ́ɔ Sansɔn lɛ wɔ wɔ gɔn.