Izayii 45:1 - LAWA A BOO SONBORE

¹ Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

LAWA A BOO SONBORE 2011

¹ Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 45:1 ပူးပေါင်းရင်းမြစ်များ

Kiin1 19:15

Dɛnaa Lawa pɛ nɛ: «Woo, wusoo n nə zii saa n nə n yɔrɔ dia Damaasi don li. N die n wo nyɔɔ lɔ Azayeli ganaa, n koa Siirii gána a kii lɛa.

Ɛsidrasi 1:1

Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Zɔbu 12:21

A n tɔ goledɛnaa puusə koe, a n min kakan maabɛlɛ niɛ̃ a bɔ ǹ bɔsɔ̃-n.

Loen 73:23

Sɛnɛ, man kun ka n din ni biikoo tumaa li. N din nə ma kuĩ ma gusin a gɔn ganaa.

Izayii 13:2

Ka màn zumu sii a kɔnboe lɛa, kele mìi kooro-a la. Ka n lɛ dɛ, ka gòon yiɛ zia-baalin ganaa, ka n gɔn yiɛ ǹ li, mà ǹ nə n bɔyaa ǹ daa, ǹ wɔ ka "kiãn kiɛnlɛ" kɛ nɛ!

Izayii 13:3

Ǹ min mɛnɛn bɔ ǹ nə́ ǹ koa maa wɔn lɛa, má dí-pɛn kɔ ǹ la. Maa sɔraasi zanbian kɛn, n nyɛnyɛɛ maa gɔ̀lɔ̀baa li, ma bɛn bíi, máa ǹ maa foo-yoo nyaa.

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Izayii 41:2

Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Izayii 41:25

Má min da zii la gɔsɛ a lɛ̀gɔn la, a n boe wasa a bɔ ǹ bǎã-n die. A n ma tɔ guguru koe. A n tɔrɛ gánadɛnan la, ka ǹ bɛ́ tɔrɛ bɛrɛɛ la lɔn, ka dɔn-bɔle bɛ́ gì tɔrɛ a gòã-n lɔn.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Izayii 48:15

Ma dinsɔɔ̃ n ma a boo da. Má lɛ dia giĩ lɛ la, má daa nɛ. A sii zɛnaan man bǐɛ̃ koe.»

Zeremii 27:6

Kanna kəni, man die kaa gánan kɛn tumaa kiɛ maa dí-nyali *Baabiloniin kii Nebukadenezɔɔrɔ a pàã giulun. Gòon-mànan dinin tá re a dí nya ǹ mànan biɛ.

Zeremii 43:10

Bɛ kio, n tɔn pɛ ǹ nɛ: «Dɛnaa Lawa Pàãyiidɛnaa, Izirayeli a Lawa n kɛ pii: Á ke, man die lɛ diɛ maa dí-nyali Baabiloniin kii Nebukadenezɔɔrɔ la. N kɔlɔn mɛnɛn lɛn wɔ tán, man die a kii dankan koɛ bɛn lɛn la. A n die a kiibaa ǹ zìã doe walan.

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 50:35

Dɛnaa Lawa a da ǹ boo á ke: Ka zia baa Baabilonii minin ganaa, Baabilonii a zaman nɛ, a kiãn nɛ ka a sii-dɔ̃len ne!

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Zeremii 51:58

Dɛnaa Lawa Pàãyiidɛnaa n kɛ pii: Kungɔn dadaran mɛnɛn bɛ́ Baabilonii lɛnpɛnɛ, bɛn tumaa ziziɛ̃. Tɛ á re kiɛnlɛ sɔsɔrɔn kɛn kuĩ. Tɔrɔn manə n dinin nɔmɛɛ kooro, gánan man dí nyɛɛ tɛ nɛ!

Ezekieli 29:20

A nɔmaa mɛn wɔ Tiiri ganaa, man die Ezipti gána kɛ koe la a saraa lɛa. A giala, a din laanka a sɔraasin lɛn nə́ dí nya masɛ nɛ. Ma din Dɛnaa Lawa a da ǹ boo ne.

Nahumu 2:6

Ǹ kii lɛ dia a sɔraasin nyɛɛnaandɛnan la, maǹ die bɛ̀ ǹ tá tatalɛɛ. Maǹ baa si woe ziabaa ǹ kungɔnɔn li. Ǹ nə́ màn da kiɛnlɛn lɛn pàã li.

Nahumu 3:13

N sɔraasin lɛn man ka lɔn bɛ lɔn, pàã ba ǹ lon wa. N gána lɛ a kiɛnlɛn buĩ maa nɛ n zɔ́ɔn nyɛɛnɛ. Tɛ nə n goo-nɛ daanan lɛn tumaa kũ.