Izayii 44:2 - LAWA A BOO SONBORE

² Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

LAWA A BOO SONBORE 2011

² Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 44:2 ပူးပေါင်းရင်းမြစ်များ

Loen 46:5

Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

Loen 71:6

A kũ maa nɛnyaanmaa waáraa ganaa, ma nə n gòã koɛ n din la. N din nə́ n dɔ ma lɛ, má soo má n bɔ ma dan gɔ́ɔ̃ nɛ. Ma nə n din tɔ boe biikoo tumaa li.

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:11

Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.

Timəə dí-pɛn 33:5

Zaman lɛ a nyɛɛnaandɛnan bɛ́ ǹ nə́ n lɛ sɔkɔn, kun ka Izirayeli tɔrɔn lɛn nɛ, Izirayeli minin lɛn nə́ kii yɛ.

Tesaloniki1 1:4

Wɔ á doɛ̃ sonbore, dɔɔ̃nɔn lɛn, wáa Lawa ka narɛ, á ka bɔ á ka baa a din wɔn lɛa.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.