Izayii 43:5 - LAWA A BOO SONBORE

⁵ Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

LAWA A BOO SONBORE 2011

⁵ Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Izayii 43:5 ပူးပေါင်းရင်းမြစ်များ

Loen 106:47

Wɔ si sii la, Dɛnaa Lawa wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ kalaa, wɔ wɔ dinin koa n gugurukɔ gɔ́ɔ̃ nɛ.

Loen 107:3

á ka bɔ gánan tumaa nɛ, á ka lɛ sɔkɔn, a saa lɛ̀giala ganaa a wo lɛ̀nyɛɛn li, a saa gusin a lɛ̀guru ganaa a wo gɔsɛ a lɛ̀guru li.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 41:9

Man má woo ga n li kanaa lɛ dan ganaa, má lɛ dia n la gána sɔsɔɔn nɛ. Má pɛ n nɛ: Ma n maa dí-nyali lɛa, má n yii gɔgɔɔ̃, ma n toa walan wa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 49:18

N mìi saa lon, n ga n paran li. N nɛnyaanan tumaa nə́ n sɔkɔn, maǹ die n din li. Dɛnaa Lawa a da ǹ boo á ke: Maa yiikoonaabaa taman yii ǹ tá re n biɛ n wɔ lɛa ka bɔlɔ-a ǹ gii bɛ́ lɔn, ka bɔsɔ-n gii bɛ́ lɔn lɔ wɔsiɛ n diɛ.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 23:7

Hiĩ, ǹ kɔn pinaa, Dɛnaa Lawa a da ǹ boo ne, min kɔn ba re pii doo: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa á ǹ bɔ Ezipti gána nɛ!»

Zeremii 23:8

Sɛnɛ, ǹ tá re pii: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa gɔsɛ a lɛ̀gɔn la gánan nɛ á soo ǹ ne gánan kɛn tumaa nɛ á ǹ pɛsɛ̃ ǹ nɛ, a n die ǹ soekɔn ǹ gána nɛ!»

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Zeremii 42:11

Kanna, ka nyan nyɛ́ɛ baa Baabiloniin kii-n doo wa, kɛ lɛ ka n nyɛ́ɛ biɛ nɛ. Ma din Dɛnaa Lawa a da ǹ boo ne: Ka nyan nyɛ́ɛ baa-n wa. A giala, ma á kun ka nɛ, ma ka kirisibaa, ma ka kanbaa a pàã ganaa.

Zeremii 51:46

Ka foo nyan ziziɛ̃ wa! Ka nyan nyɛ́ɛ baa minin boon kɛn manɛ kaa ǹ miɛ gána lɛ gɔ́ɔ̃-n wa. Lɛ̀ goon gɔ́ɔ̃ nɛ, boo nə n diɛ, lɛ̀ kɔsɔ-a doo, maǹ kɔsɔ dɔ diɛ: Kakaarɛbaa n mɔnɛɛ gána lɛ nɛ, pàã-zɛnaali nə ǹ miã lui a bɔ pàã la.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Zakarii 8:7

«Dɛnaa Lawa bɛ́ boo mɛn pii á ke: Taãn nɛ, má n pii, man die maa zaman lɛ kirisibiɛ ma bɔ-n lɛ̀nyɛɛn laanka lɛ̀giala gánan nɛ.

Luku 13:29

Sonbore, minin tá re boe lɛ̀giala-n, ǹ bɔ lɛ̀nyɛɛnɛ, ka gusin a lɛ̀ gùrù laanka gɔsɛ wɔ nɛ, ǹ giã ǹ bǎã yɛ Lawa li zɔ́n màn bii ǹ bǎã kɛ nɛ.

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.