Izayii 43:4 - LAWA A BOO SONBORE

⁴ Taãn nɛ, n sii n kaka ma gɔn. Ma n màn sonbore lɛa, ma tá n narɛ. Bɛ lɛ nɛ man minin koe n bǎã nɛ, ma á n nyin lon koe ka tɔrɔn nɛ.

LAWA A BOO SONBORE 2011

⁴ Taãn nɛ, n sii n kaka ma gɔn. Ma n màn sonbore lɛa, ma tá n narɛ. Bɛ lɛ nɛ man minin koe n bǎã nɛ, ma á n nyin lon koe ka tɔrɔn nɛ.

Izayii 43:4 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 135:4

A din na á Zakɔba tɔrɔn bɔ a wɔn lɛa, a din na á Izirayeli tɔrɔn baa a din a minin lɛa.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Malakii 1:2

Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Malakii 3:17

Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.