Izayii 43:26 - LAWA A BOO SONBORE

²⁶ N bɛ́ zɛ̀rɛ koɛ ma ganaa ka sii mɛn nɛ, ma yiri gisĩ bɛ nɛ. Wɔ n ta kiri wɔ ǹ bǎã-n kun, siin mɛnɛn bɛ́ sonbore koe n la, kɔ ǹ lɛ n nə ǹ pɛ.

LAWA A BOO SONBORE 2011

²⁶ N bɛ́ zɛ̀rɛ koɛ ma ganaa ka sii mɛn nɛ, ma yiri gisĩ bɛ nɛ. Wɔ n ta kiri wɔ ǹ bǎã-n kun, siin mɛnɛn bɛ́ sonbore koe n la, kɔ ǹ lɛ n nə ǹ pɛ.

Izayii 43:26 ပူးပေါင်းရင်းမြစ်များ

Siin Giala 32:12

Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.

Zɔbu 16:21

Bɛa siére kɛ die, a wɔ masɛ laanka Lawa kɛ bii, ka kanaa minin nə́ ke zia-dalin wɛɛ kɔn lɔn.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 74:22

Lawa! Yoo, n nə n din a zia gii da. N yiri koa gàãnaan kɛn nɛ. N yiri koa ǹ baraabaraa a sɔ kɔ n ganaa kɛ nɛ.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 41:1

Dɛnaa Lawa pɛ: Kasɛn, gánan kɛn mu ka da bii, ka giã kiĩni ma yɔrɔ-a, ka n too kɔ ma lon Kasɛn, tɔrɔn tumaa, ka n we yii. Ka n zɔ̃ ka dɔ ka boo da. Ka wɔ n ta kiri wɔ ǹ bǎã-n kun.

Izayii 43:9

Zaman tumaa nə n lɛ sɔkɔn! Tɔrɔn tumaa nə n lɛ sɔkɔn! Sii mɛn bɛ́ n zɛnɛɛ, die n boe la a yɛ ǹ bii, a bɛ pɛ? Sii mɛn nə n zɛnaa lɛlɛ á kiɛ̃, die n boe la a bɛ pɛ wɔ nɛ? Bɛ̀ ǹ tá li ǹ nyaa mà sonbore tá ǹ lon, ǹ da ka ǹ siéren ne! Sieren lɛn nə pɛ mà «Taãn nɛ!»

Izayii 50:8

Dɛnaa Lawa n mɔrɛɛ-n ma ganaa, asɛ mɛn bɛ́ sonbore koe ma la. Die yii n we a kiri wɔ ma ganaa? Wɔ n ta kiri wɔ ǹ bǎã-n kəni. Die n li a ma zɛ̀rɛ baa? Ǹ dɛnaa nə n zɔ̃ a dɔ ma li.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Rɔmu minin 10:3

Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Rɔmu minin 11:35

Hinlaa «Die ne, mà asɛ na á màn kɔ Lawa la lɛlɛ, sɛnɛ, mà a ná a tɔn bɛ dòo saraa asɛ la wa? Min kɔ́n!»

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.