Izayii 43:20 - LAWA A BOO SONBORE

²⁰ Don siĩn ni, tolokan nɛ ka bɛndan nɛ, bɛn tá re gugurubaa diɛ ma tɔ la, a giala mà ma mu da baa si ganaa diə gole ne, ma tàn bɔ tán gere la. Sonbore, ma á re mu koe maa tɔrɔ kɛ la, má a yii gɔgɔɔ̃.

LAWA A BOO SONBORE 2011

²⁰ Don siĩn ni, tolokan nɛ ka bɛndan nɛ, bɛn tá re gugurubaa diɛ ma tɔ la, a giala mà ma mu da baa si ganaa diə gole ne, ma tàn bɔ tán gere la. Sonbore, ma á re mu koe maa tɔrɔ kɛ la, má a yii gɔgɔɔ̃.

Izayii 43:20 ပူးပေါင်းရင်းမြစ်များ

KZS1 16:13

Ka zɛnaa miɛ̃, kasɛn kɛn lɛn Lawa din a dí-nyali Izirayeli tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Loen 104:21

Yàran man wɔɔsaa we ǹ siĩ kio, manə ǹ màn-bii liɛ n din la, Lawa.

Loen 148:10

Don mànan laanka tɔɔn tumaa, bàanan nɛ, ka a nɔ̀ giɛɛraa tán wolen ne, ka loe lɔ ka a tɔ bɔ nɛ.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Izayii 13:22

Kuruun tá re lɛ biɛ a sanabolon kɛn nɛ, tolokan nə lɛ baa a kion sonboren kɛn nɛ. Baabilonii a lɛawaa giala nyɔmɔɔ dɔ á nya, a lɛawaa giala nyɔmɔɔ lɛ diri foɛɛ̃ nɛ.

Izayii 30:25

Bɔ̀n gole pinaa ke, bɛ̀ kiwi tamaa ǹ kungɔnɔn kɛn nə́ kaa, mu á re baa sii kele sɔsɔrɔn tumaa la ka tenten dadaran nɛ.

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 33:21

Dɛnaa Lawa n die a siĩnbaa nyɛɛ wɔ-n walan lɛn, bɛa bǎã lɛ n die kɔ̀ dadaran, laanka mu zii dadaran bǎã biɛ. Ziabaa ǹ mu la ǹ goo ba re boe walan wa, mu la ǹ goo dadaran ba re kiɛ̃ a-n wa.

Izayii 35:7

Nyɔɔsɔ̃ fuu kɛ á re n bɔyɛɛ a pɛrɛ baa, tán gere á re bɔyɛɛ, a mu yala bǎã baa. Tolokan nə goã giã ǹ bǎã mɛn nɛ, bùruu laanka sawɛɛ á re boe walan.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 41:18

Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

Izayii 43:19

A giala á ke, man die sii soree zɛnɛɛ, a n gole koe goon lɛa. Ka yii tá a ganaa ya? Sonbore, man die zii boe diə ne, ma mu da baa si ganaa bɛa bǎã gere kɛ lɛ nɛ.

Izayii 48:21

Á woo ka Izirayeli minin ni diə bǎã nɛ, mu boro nə ǹ kũ wa. Ǹ dinin lɛa, á gɛ̀fu da mu bɔ ganaa. Á gɛ̀fu lɛ wɔsɔ, mu baa si tán.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Marki 13:20

Bɛ̀ wɔa Dɛnaa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, Lawa min mɛnɛn yii gɔgɔɔ̃ a din wɔn lɛa, a n die màn boe ǹ lɛ, bɛn lɛn taman yii.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.