Izayii 43:11 - LAWA A BOO SONBORE

¹¹ Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

LAWA A BOO SONBORE 2011

¹¹ Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 43:11 ပူးပေါင်းရင်းမြစ်များ

Loen 3:8

Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 19:20

Bɛ n die sii a kɔnboe biɛ, a n siére lɛa, nyɛɛ mà Dɛnaa Lawa Pàãyiidɛnaa tan Ezipti gána nɛ. Bɛ̀ Ezipti minin nə́ n lɛ dɛ Dɛnaa Lawa ganaa mɛnaa ma la wolen kɛn taman yii, Dɛnaa Lawa á re kirisibaali diɛ ǹ la, a ǹ si a ǹ kaa.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Zonaasi 2:10

Sɛnɛ, masɛ n giɛ li ma wúlu mànan kɔ n la. Man lɛ kɔ ka siin mɛnɛn nɛ, ma bɛn zɛnaa ma ǹ lɛ pã, bɛ̀ má n loe loe barka diɛ n nɛ. Kirisibaa lɛ n boe Dɛnaa Lawa li.»

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Nya ǹ dín 4:12

Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.

Timəə dí-pɛn 6:4

Izirayeli minin lɛn, ka n too kɔ: Dɛnaa, wɔa Lawa lɛ n Dɛnaa Lawa lɛa, goon toto.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»